Goreyê eşkerayîya nuştekî ya HPG’yî, gerîlayan Çarçewaya Hemleya Serkewtişî ya Şorişgêre de Îdir de çalakîyêka hîraye viraşte.

Eşkerayîye de ame vatene: “Çarçewaya Hemleya Serkewtişî ya Şorişgêre ya ke Eyaletê Serhedî de dewam kena, 1'ê Gulane bi roj saete 12:20 de qezaya Başanî ya Îdirî de hêzanê ma vera atêşa Tirkî ya îşxalkere çalakîyêka hîraye viraşte. Konvoyê dişmenî yo ke serê rayîrê Qereqolê Aydinlarî de şiyêne, bi hedefê hêzanê ma. Hêzanê ma cayêko nêzdî ra derbê giranî dayî wesayîtêko  zirxinî  yê bi tîpê Kîrpî ro û wesayîto ke bîyo hedefê derbanê giranan nêeşka şora. Hêzanê dişmenî yê ke waşt dest wareyê çalakîye ra biancê, bi 2 helîkopteranê bi tîpê Atakî hêriş kerd, la hêzanê ma derbê xurtî dayî her di helîkopteran ro. Netîceyê nê derban de helîkopteran ra yew mucbur ver çarna ra Qereqolê Aydinlarî. Aqûbetê helîkopterê bînî nêame zelalkerdene. Naye ser o artêşa Tirkî ya îşxalkere derûdorê wareyê çalakîye bombardûmane kerd û bado zî herême ra apey ancîyaye.”

Eşkerayîye de ame vatene, “Ame tespîtkerdene ke netîceyê çalakîye de 5 eskerê dişmenî ameyê kiştene, la yeno texmînkerdene ke hûmara vîndîbîyayîyan a artêşa Tirkî ya îşxalkere zêdetir ê. Hêzanê ma na çalakî de zirar nêdîyo.

Hêrişê Hewayî

Eşkerayîya HPG’yî de derheqê hêrişanê teyareyanê şerî yê artêşa Tirkî de zanayîşî ameyî dayene û ame vatene, bombardûmanî zerar da bax û baxçeyanê dewijan.

1'ê Gulane (vizêrî) teyareyanê şerî yê artêşa Tirkî ya îşxalkere Wareyê Pawitişî yê Medya bombardûman kerdî. Goreyê naye zî;

Peroj mabênê saetanê 11:00-14:30 wareyê Xanturî yê Heftanînî, saete 12:20 de wareyê Mam Reşo yê Avaşînî, mabênê saetanê 22:00-23:00 zî derûdorê dewa Bokriskan, Enzê, Sulê, Qomta, Kuzîne, newala Bedrana, Girê Savaşî, Girê Hîva, wareyê Kortek, Karox û Kalatuka yê Qendîlî ameyî bombardûmankerdene.

Netîceyê nê bombardûmankerdişan de zirar nêresto hêzanê ma. Labelê bax û baxçeyanê dewijan zirar dî.”