Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de eşekerayîyêk daye û nê pare kerdî:

‘’ 27’ê Hezîrane de hêzanê ma yê YJA Starî vera Qereqolê Yekmalê yê qezaya Qilebanî ya Şirnexî çalakîyêk viraşte. Çalakîya ke mewzî û stargehê dişmenî bitesîr ameyî pirodayene, hûmara merde û birîndaranê dişmenî nêameye tesbîtkerdene.

Eynî roje çarçeweya Hemleya Qesasî ya Şehîde Medya Mawa û Şehîd Rizgar Geverî ya ke Botan de yena domnayene de Koyê Gabarî de çalakîyêk ameye viraştene. Çalakîya ke mabênê qereqolanê Qilê Zivingê û Asayîşî de ameye viraştene de 3 eskerî ameyî kiştene 2 zî birîndar bîyî û wesayîtêko zirxîn yê Tîpê Kirpî zî ame derbkerdene.

28’ê Hezîrane de çarçeweya Hemleya Şorişgêre ya Şehîd Bager û Şehîde Ronya ya ke vera hêrişê îşxalî Wareyê Pawitişî yê Medya de yena domnayene de hêzana ma Qilê Şekîfî yê Xakurkê de da îşxalkaran ro. Çalakîye de eskerêk ame kiştene. Îşxalkaran dimayê çalakîye herême bombardûman kerde. Embazê ma yê ke çalakîye viraşte weşûwar resayî cayê xo.

Reyna eynî roje Xozetê Dêrsimî de hêzanê YJA Starî wesayîtêko kontra û eskerî kiriştêne nêzdşyê Qereqolê Yenîbaşî de hedef girewt. Çalakîye de eskerêk ame kiştene eskerêk zî birîndar bi.

29’ê Hezîrane de hêzanê mabênê merkeze Bedlîsî û qezaya Xîzanî de vera nuqtaya kontrolî çalakîyêk viraşte. Çalakîye de eskerêk ame kiştene.

Teyareyanê şerî yê Tirkî 27’ê Hezîrane de herêma Kûrmî ya Metîna, 28’ê menge de zî Qilê Amedîye û derûdorê dewa Sergelê yê qezeya Amedîye bombardûman kerdî. Bombardûman de vînîbîyayeyê ma çîn ê.’’