Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlyan û hêrişê artêşa Tirkî de zanayîş da.

Eşkerayîye de wina ame vatene: ‘‘ 30’ê Tebaxe de qezaya Çelê ya Colemêrgî de  hêzanê ma vera  leşkeranê ke Qilê Serzerî de ameybî cakerdene çalakîyêk viraşte. Çalakîya ke mewzî û stargehê dişmenî bitesîr ameyî pirodayene de  4 leşkerî ameyî kiştene û xeylî zî birîndar bîyî. Yewîya ma ya ke çalakîye viraşte weşûwar resaye cayê xo.

27’ê Tebaxe de artêşa Tirkî qezaya Êlke ya Şirnexî de mintiqayanê Tirba Eshed û Girgavê yê operasyonêk da destpêkerdene. Îşxalkaran çarçeweya operasyonî de şarê herême rê zetx kerd û heman roje de destveng peyser ancîyayî.‘‘