Merkezê Çapemenî û Îrtîbatî yê HPG’yî da pêhesnayene ke çalakîya Çelê ya 19’ê Adare û Sîdêkanî de xeylî eskerê Tirkî ameyî kiştene.

Eşkerayîye de nê ameyî parekerdene:‘‘ Çarçeweya Hamleya Şorişgêrî ya Şehîd Bager û Şehîde Ronya de hêzanê ma 19’ê Nîsane de herêma  Şehîd Bagerî ya Qilê Koordîne yê Çelê ya Colemêrgî de çalakîyêk viraşte. Mewzîye dişmenî di qolan ra ameyî pîrodayene û heme mewzîyî nizdî ra gerîyayî binê adirî. Hêzê ma kewtê mewzîyanê dişmenî û şîyî serê xeylê cenazeyanê dişmenî.

12 Kişteyî, 10 Birîndarî, 3 vîndîbîyayeyî

Çalakîya ke xeylî mewzîyî ameyî îmhakedene de fermandarêkê qilî zî tede 12 eskerê dişmenî ameyî kiştene. Tesbîtkerde 10 eskerî bîyî birîndar. Reyna 3 bataryayê obusî ameyî îmhakerdene.  Xeylî eskeran mewzîyî caverayî û remayî.  Goreyê zanayîşan 3 eskerî vindîbîyayeyî.

Heman wextî de yewîyê ke Qilê  Koordîne, Şehîd Zekî û Petrotî de yê hedef ameyî girewtene.  Her hîrê qilê ke ser o adir ame varneyene, derheqê merde û birîndaranê dişmenî de zanayîş nêame girewtete. Çalakîye ra dima îşxalkaran  bi teyareyanê şerî heta serê sibayî herême bombardûman kerde.

Dewlete û Medyaya Tirkî Şarî Xapînenê

Dewleta Tirkî bi zûran bîlançoya şerî şarî ra nimnena. Arteşa Tirkî û medyaya AKP’yî serkewtişo gird yê Gerîlayanê Azadîya Kurdistanî  nimnenê û bi zûran şar xapînenê. Çalakîya ke embazê ma ke demo peyên de hêrişê hewayî de bîyî şehîd, semedê yadkerdişê înan ameye viraştene de vîndîbîyaye yê ma çîn ê. Heme embazê ma weş resayî cayanê xo. Wa şarê ma zûranê dewlete ra bawer mekero.‘‘

Sîdêkan de 2 Eskerî Ameyî Kiştene

HPG’yî da zanayene ke  gerîlayan herêma Sîdêkanî yê Başûrê Kurdistanî de zî çalakîyêk viraşte û detayê ci pare kerdî: ‘‘Çarçeweya Hamleya Şorişgêrî ya Şehîd Bager û Şehîde Ronya de 20’ê Nîsane, saetanê nîmrojî de Qilê Lêlîkan de yewîyê dişmenî hedef ameyî girewtene.  Çalakîya ke mewzîyê dişmenî di hetan ra ameyî pirodayene de 2 eskerî ameyî kiştene û xeylê malzeyê dişmenî yo eskerî ame îmhakerdene.‘‘

Avaşîn de Hêrîşê Hewayî

Eşkerayîye de ame vatene ke 20’ê Nîsane de herêma Avaşînî  hetê teyareyanê şerî yê artêşa Tirkî ra ameye bombardumankerdene. Hêrişê hewayî de vidnîbîyayeyê gerîlayan çîn ê.