Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''15ê temmuze de artêşa tirke ya îşxalkere pê teyarayanê şerî dewa Yekmalî ya herêma Bergarî ya qezaya Amedîyê daye bombayan ver. Heman roje Girê Koordîne yê Metîna û warê Kela Qurmîyê, erazîyê dewa Deşîşî yê Kanî Masî yê Amedîyê pê helîkopteran dayî bombayan ver.

Artêşa tirke ya îşxalkere pê xoverdayîşê Gerîlayanê Azadîye yê Kurdîstanî nêeşkena û coka vera waranê xoverdayîşî gazê kîmyewîye xebitnena. Vera nê metodanê gemarinan hêzê ma bi hawayêkê qerardarî xo ver danê.

Agahîyê ke hêrişanê artêşa tirke ya îşxalkere yê vera Avaşînî wina yê:

Mabênê 14-16ê temmuze de pê obusan warê Werxêlê dîya bombayan ver.15ê temmuze de artêşa îşxalkere pê gazê jehrînî û çeka kîmyewî hêrişê tunelanê şerî yê Girê Sor kerd. Heman roje artêşa îşxalkere pê teqaber û çeka kîmyewî hêrişê tunelanê şerî yê warê Werxêlê kerd.