Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêka nuştekîye daye.

''Çarçewa Hemleya Şorişgêre ya Bazanê Zagrosan de herêma Avaşînî de;

21ê temmuze de Girê Silêmanî de îşxalkerî hetê hêzanê ma ra pê çekanê giranan ameyî hedefkerdene. Wird çalakîyan de bi hawayêkê serkewteyî ameyî pirodayene.

22ê temmuze de Girê Sor de îşxalkerê ke xîret kerdêne ver bi tunelanê şerî şorê hetê hêzanê ma ra mesafeya nêzdîye ra ameyî pirodayene. Îşxalkeranê ke derbe werde xo apey girewt.

23ê temmuze de îşxalkerê ke waştêne hêrişê tunelanê şerî yê Girê Sorî bikerê hetê hêzanê ma ra mesafeya nêzdîye ra ameyî pirodayene. Îşxalkerî neçare mendî ke qademeyêk xo apey bigêrê.

22ê temmuze de dewa Bêbadê ya qezaya Çemankê ya Amedîyê dîyaye bombayan ver. Netîceya bombardumanî de bax û baxçeyê şarê Başûrî de zeraro madî ame meydan û warê daristanan de şewat vejîya.

22ê temmuze de waranê Girê Silêman, Tabûrê Ereban, Banista û Merwanosî de têgêrayîşê helîkopteran qewimîya û warê Stûna dîya bombayan ver. Heman roje warê Herfa T ya Zapî dîya bombayan ver.

Reyna 22ê temmuze de artêşa tirke ya îşxalkere pê gazê jehrînî û teqaberan hêrişê tunelanê şerî yê Girê Sorî yê Avaşînî kerd.

23ê temmuze  ra nata tunelê şerî yê warê Girê Sorî yê Avaşînî dîyayî bombayan ver.

Nê bombardumanan de zerarêk nêresa hêzanê ma ser.''