Merkezê Îrtîbatî û Çapemenîye yê HPGyî 5 gerîlayê ke 2019 de Vakur de şehîd bîyî, bi eşkerayîyêke yad kerdî.

Eşkerayîye wina ya:

''2019 de dişmenî Vakurê Kurdîstanî de xeylêk waran de bi armancê îmha operasyonî kerdî û waşt ke gerîlayanê ma tasfîye bikero. Dêrsimî ra heta Amanos, Serhed, Botan û Mêrdînî vera nê operasyonan gerîlayan çalakîyê bitesîrî kerdî û kerd ke dişmen apey game bierzo. Nê operasyonan de embazê ma Karker û Xebat warê Mêrdînî de, embaz Armanc warê Wanî de û embaz Destîyar û Kato zî Dêrsim de şehîd bîyî. Nê şehîdanê ma pê têkoşînê xo kerd ke ma dormeyê Rayberîye de bêrê pêser û ma hîna zaf nêzdîyê serfîrazîye kerdî. Ma zî ancî soz danê ke têkoşîno ke ma şehîdanê xo ra dewr girewto, do biresnê serkewtişî.

Nasnameyê embazanê ma yê şehîdan wina yê:

Nameyê Qodî: Karker Gabar Name û Peyname: Servet Demîr Cayê Bîyayîşî: Êlih Maye-Pî: Mevlude – Îzzettîn Tarîx û Cayê Şehadetî: 7ê Teşrîna Peyêne ya 2019î / Mêrdîn

Nameyê Qodî: Xebat Çekdar Name û Peyname: Abdurrahman Sîler Cayê Bîyayîşî: Wan Maye-Pî: Gulê – Ahmet Tarîx û Cayê Şehadetî: 23ê Tebaxa 2019î / Mêrdîn

Nameyê Qodî: Armanc Sêrt Name û Peyname: Osman Kulik Cayê Bîyayîşî: Îstanbul Maye-Pî: Medîne – Selahattîn Tarîx û Cayê Şehadetî: 12ê Tebaxa 2019î / Wan

Nameyê Qodî: Destîyar Helîn Name û Peyname: Murat Çakmak Cayê Bîyayîşî: Dêrsim Maye-Pî: Tarîx û Cayê Şehadetî: 20ê Hezîrana 2019î / Dêrsim

Nameyê Qodî: Kato Qers Name û Peyname: Barış Abayli Cayê Bîyayîşî: Qers Maye-Pî: Lutuze – Îsmail Tarîx û Cayê Şehadetî: 19ê Hezîrana 2019î / Dêrsim

Embaz Karker Êlih de dadîya xo ra bîyo. Embaz Karkerî verî xebatanê ciwanan de ca girewt û verê xo da koyan. La embaz Karkerî rê reyna xebata şaristanan dîyaye û nê xebatan ra dima o 2006 de kewt rayîrê koyan. Embaz Karker tewrê Hêzanê Taybetan bi û bi erkê fermandarîye pêro mesuldarîyê xo tim bê kêmasî ardî ca. Embaz Karkerî vera DAÎŞî Şingal û Rojawan de şer kerd û 2018 de derbazê Eyaletê Mêrdînî bi. Embaz Karker tim perwerê şehîdan, Rayberîye û embazanê xo bi û serkêşîye kerde.

Embaz Xebat Wan de dadîya xo ra bîyo. Embaz Xebatî dima ke verê xo da koyan wezîfeyê rêxistinkerdişê şaristanan dîya ci. Embaz Xebatî dima reyna verê xo da koyan û milîtanêko mîsal. Eu vera DAÎŞî Şingal de şer kerd, wextê xoverdayîşê xoîdarekerdişî de têkoşîn kerd. Embaz Xebatî xeylêk çalakîyanê serkewteyan de serkêşîye kerde û heqê wextanê azadîye bi qîmî daye. O pê zerrînizmî, embazî û samîmîyetê xo bi mazharê heskerdişê embazanê xo. Embaz Xebat tim do mîyanê têkoşînê ma de biciwîyo.

Embaz Armanco ke aslê xo de Sêrtî ra yo Îstanbul de dadîya xo ra bîyo.  Embaz Armancî verî xebatanê ciwanan de ca girewt û dima zî tewrê gerîlayan bi. Ey sere de Heftanîn û Metîna xeylêk waranê Başûrê Kurdîstanî de şer kerd û dima zî derbazê Botanî bi. Embaz Armanc bi kede û têkoşînê xo bi milîtanêko serkewte. O rayîrê embaz Alî Çîçekî de şi û hêrişanê dişmenî de şehîd bi.

Embaz Destîyar û Kato hezîrana 2019î de warê Rabatî yê Dêrsimî de operasyonanê dişmenî de derbê giranî dayî dişmenî ro. Wird embazê ma sey tîmêka qije têgêrayî û bi îradeyê Apogîrî heta peynî şer kerd. 19ê hezîrane de embazê ma Kato bombardumanê dişmenî de şehîd bi, embaz Destîyar zî giranî birîndar bi. 20ê hezîrane de dişmenî kerd ke embaz Destîyarî teslîm bigêro. Embaz Destîyarî seba ke mekewo destê dişmenî xo ser de bomba teqnaye. Têkoşînê embaz Kato û Destîyarî do bibo pusulaya embazanê ma.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''