Merkezê Îrtîbatî û Çapemenîye yê HPGyî nasnameyê hîrê şehîdanê Zapî eşkera kerdî û nê vatî:

''Hemrayê ma Huseyin, Çîyager û Agîd yê ke vera îşxalî vazdayî mewzîyanê şerî,  pêkewtişanê giranan û hêrişê hewayî de şehîd bîyî. Hemrayê ma ke temsîlkarê tewr vîjnayeyî yê xeta fedayîye yê bi têkoşînê xo yê vera îşxalkeran ramojna heme dinya ke têkoşînê ma  do ser bikewo.

Nasnameyê hemrayanê ma yê şehîdan wina yo:

Nameyê Qodî: Huseyîn Dag Name û Peyname: Sedat Dagtekin Cayê Bîyayîşî: Sêrt   Maye-Pî:  Asiya - Aydin Tarîx û Cayê Şehadetî: 18ê Nîsana 2022yî /Zap

 

Nameyê Qodî:  Çîyager Botan Name û Peyname: Veysi Sumer Cayê Bîyayîşî: Şirnex Maye-Pî: Maşallahe – Yusuf Tarîx û Cayê Şehadetî: 19ê Nîsana 2022yî /Zap

 

Nameyê Qodî: Agît Kurdistan Name û Peyname: Mehemed Hemze Cayê Bîyayîşî: Xaneqîn Maye-Pî: Xelîce – Hemze Tarîx û Cayê Şehadetî: 19ê Nîsana 2022yî /Zap

Hemrayê ma Huseyin Sêrt de ameyo dinya, keyeyêkê welatperwerî de bîyo pîl û hema qictîya xo de Têkoşînê Azadîye yê Kurdîstanî nas kerdo.  Herêma Botanî de tewrê sefanê gerîlayan bîyo xeyalê xo ardî ca. Bado ke perwerdeyê gerîlatîye girewto ravêrto warê pratîkî. Dima ke bîyo wayîrê tecrubeyî, verê xo dayo Zapî û tîya bîyo fermandarêko ciwan. Gamêke aver şiyo û tewrê Hêzanê Taybetan bîyo wezîfeyê xo bi serkewtişî ardî ca. Xeylêk wext warê Zapî de mendo û sey serkêşî tewrê çalakîyan bîyo. Çalakîyanê serkewteyan de rolê ey zaf o. Hemrayê ma  Huseyino ke xeta fedayîyanê bêmergan de rayra şiyêne do tim mîyanê têkoşînê ma de biciwîyo û verê ma roşn bikero.

Hemrayê ma Çîyager Cîzîre de ameyo dinya û bi tradîsyonê têkoşînê Kurdîstanî bîyo pîl. Hema qictîya xo de hêrişê dewleta tirke ya îşxalkere yê vera kurdan pê çimanê xo dîyî û şahîdîya xoverdayîşê şarê Cizîre kerda.  Sey ciwanêkê kurdî tewrê xebatanê ciwanîye bîyo û dima ra 2014 de verê xo dayo koyanê azadan ê Kurdîstanî. Badê perwerdeyê gerîlatîye pîsporîya leşkerî esas girewta û demo kilm de bîyo gerîlayêko serkewte. Waranê cîya cîyayan de tewrê çalakîyan bîyo û gerîlayêkê serkêşî vejîyayo vernî. 2019 de tewrê sefanê Hêzanê Taybetan bîyo û bêmabên tewrê xebetan bîyo. Vera hêrişê îşxalî mewzî ra vazdayo mewzîya bîne û hêz û dayo hemrayanê xo û derbeyê pîlî dayî dişmenî ro. Hemrayê ma Çîyagero ke bi ruhê fedayîyî şiyênî îşxalkeran  ser, têkoşînê ma yo ver bi serkewtişî şino de do tim rayîrê ma roşn bikero.

Hemrayê ma Agîd bajarê Xaneqînî yê Başûrê Kurdîstanî de ameyo dinya. Keyeyê ci rixmê zextê rejîmê Sadamî çirey ercanê xo ra dûrî nêkewto û lajê xo zî bi ercanê welatperwerîye kerdo pîl. Hemrayê ma Agîdî  verî xebatanê ciwanîye de ca girewt, tecrubeyê rêxistinkî kerdî pêser û seba ke ciwanê Başûrê Kurdîstanî bibê xebatî reyra berdî. Gama ke çeteyanê DAÎŞî hêrişê xeylêk waranê Kurdîstanî kerd, hêzanê Başûrî vera nê hêrişan çîyêk nêkerd û gerîlayî vazdayê herkarîya şarî ey qerarê tewrbîyayîşê gerîlayan girewto. Bado ke tewrê gerîlayan bîyo vera çeteyanê wezîfeyê xo ardî ca. Dima ra verê xo dayo koyanê Kurdîstanî û tewrê Hêzanê Taybetan bîyo. Hemrayê ma Agîtê ke serkêşîya mîlîtanîya fedayîye ya PKKyî kerdêne Zap de vera îşxalkeran têkoşîn kerd û tewrê kerwanê şehîdan bi. Têkoşînê ey do tim verê ma roşna bikero.

Seredê keyeyê hemrayanê ma Huseyin, Çiyager û Agîtî yê xeta fedayîye de bêteredutî rayra şîyî û derbeyê pîlî dayî dişmenî ro, sereyê heme şarê ma yê welatperwerî weş bo. Ma soz danê ke ma do têkoşînê embazanê xo biresnê serewtişî.''