Merkezê Çapemenî û Îrtîbatî yê HPG’yî derheqê çalakîyanê  gerîlayan de eşkerayîye daye.

Çalakîya Şemzînan de 7 Eskerî Ameyî Kiştene

Eşkerayîye de ame vatene, “Çarçewaya Hemleya Şorişgêre ya Şehîd Bager û Şehîd Ronya ya ke Wareyê Pawitişî yê Medya de dewam kena, 4'ê Gulane saete 14:10 de qezaya Şemzînanî ya Colemêrgî de hêzanê ma vera qerargehêkê dişmenî yê verê Qereqolê Bêzokê çalakîyêk viraşte. Hêzê ma kewtê qerargehî û nêzdî ra bi tewirê biluskî çalakîye viraşte. Çalakîye de 3 mewzîyê dişmenî ameyî waroginayene û kewtî destê hêzanê ma. Hêzê ma şîyî serê cenazayanê 7 eskeranê dişmenî û dest na serê çekanê înan. 7 eskerê dişmenî zî bî birîndar. Hûmara merde û birîndaranê dişmenî bena ke zêdetir ba. Netîceyê çalakîye de 5 çekê ferdî yê G-3, Çekêk BKC a otomatîke, rextê çeka G-3, zincîrêk BKC û kaskêkê hêzanê dişmenî kewtî destê hêzanê ma.

Çalakîya Sabotajî

Hêzanê TC'yî ya îşxalkere na çalakîye de derba girane girewte, der û dorê wareyê çalakîye û dewanê Sîrvan û Helena bi helîkopteranê bi tîpê Kobrayî û bi çekanê giranan bombardûman kerd. Bado zi waşt ke wareyî de sahnekerdiş bikero. No wext de hêzanê ma vera yewîyêka dişmenî çalakîyêka sabotajî viraşte. Hûmara eskeran a ke çalakîye de merdê nêameye tespîtkerdene.

Çalakîye sey cewabê vera hêrişanê dayîkan ê Kurdan ê fedakar û şarê ma ameye kerdene. Hêzanê ma nê çalakîyan de zirar nêdî.

Fermandarîya Pêroyî ya Artêşa Tirkî Cehd Kerd ke Çalakîye Binimno

Rixmo ke netîce wina yo, Fermandarîya Pêroyî ya Artêşa TC’yî û medyaya şerê taybetî ya AKP'î da zanayene ke çalakîye eştişê hawanî ya û bi xeberanê zuran cehd kerd ke vîndîbîyayîyanê xo binimno. Hetê bînî ra zî bi xeberan zuran îdîa kerd ke hêzanê ma zirar dîyo, cehd kerd ke rayapêroyî bixapêno. Ma; Merkezê Çapemenî û Îrtîbatî yê HPG’yî rastîya şerî her roje bi eşkerayan eşkera kenê û vengdayîş bi şarê xo, rayapêroyî kenê ke bi polîtîkayanê şerê taybet ê dişmenî nêrê xapênayene.

Çelê de Çalakîyî

2 û 5’ê Gulane de çarçewaya Hemleya Şorişgêre ya Şehîd Bager û Şehîd Ronya ya Çelêyê Colemêrgî tayê çalakîyî ameyî viraştene.

5’ê Gulane saete 01.00 de şerwananê ma Girê Xeregolî de da eskeranê îşxalkeran ro. Na çalakîye de mewzîyê dişmenî ameyî rijnayene. Hûmara eskeranê merde û birîndaran ê dişmenê nêameye zelalkerdene.

2’ê Gulane saete 14.00 de hêzanê ma yê YJA-Starî da Qereqolê Girê yê artêşa Tirkî ya îşxalkere ro. Na çalakîye de hûmara eskeranê merde û birîndaran ê dişmenê nêameye zelalkerdene.

Dimayê her di çalakîyan dişmenî bi çekanê giranan dorê çalakîye bombardûman kerd û nê bombardûmanî de zirar nêrest hêzanê ma.

Pîran de 3 Eskerî Emeyî Kiştene, 2 Gerîlayî zî Şehîd Kewtî

30’ê Nîsane de yewîya nimite ya artêşa Tirkî ya îşxalkere wareyê Xaçekî yê Pîranî yê Amedî de dame ronaye. Hêzanê ma na yewîya nimiteye girewte binê kontrolê xo û 1’ê Gulane saete 12.00 de vera ci çalakîye viraşte. Na çalakîye de 3 eskerê dişmenî ameyî kiştene û hemrayê ma Vîyane û Dîdar şehîd kewtî. Hêzê dişmenî yo ke bado operasyonêko hîra kerdo û 1’ê Gulane de saete 18.00 de wareyê çalakîye ra ancîyayî.

Ma hemrayanê xo yê ke şehîd bîyê yad kenê û ma sozê xo dubare kenê ke ma do têkoşîn înan biresnê serkewtiş. Nasnameyê hemrayanê ma yê şehîdan bado do bêrê eşkerakerdene.

Serê Wareyanê Gerîlayan de Hêrişê Hewayî

5’ê Gulane de teyeranê şerî yê artêşa Tirkî ya îşxalkere tayê wareyê Herêmê Pawitişî yê Medya bombardûman kerdî.

Teyeranê şerî saete 14.30 de wareyê Ermuşî yê Xakurkê, saete 15.10 de Girê Suleymanî yê Avaşînî, saete 17.15 de zî wareyê Werxelê yê Avaşînî bombardûman kerdî. Netîceyê nê bombardûmanan de zirarêk nêresto hêzanê ma û cografyaya Kurdistanî zirar dî.”