HPG: Artêşa tirke hêrişê Başûrê Kurdîstanî kena

HPGyî da pêhesnayene ke artêşa tirke ya îşxalkere seba ke herême veng bikera hêrişê dewanê Başûrê Kurdîstanî kena.

Merkezê Îrtîbatî û Çapemenîye yê HPGyî derheqê hêrişanê dewleta tirke yê vera dewanê  Başûrê Kurdîstanî de eşkerayîyêke daye.

Eşkerayîye wina ya:
''Dewleta tirke ya îşxalkera ke mîyanê xoverdayîşê Gerîlayanê Azadîye yê Kurdîstanî de xeniqîyaye nika zî bi teyarayanê şerî dewanê Başûrê Kurdîstanî ser o bombayan varnena. Dewleta tirke ya îşxalkere seba ke çimanê ma bitersna û şar dewan biterikno qestî ra bombayan varnena waranê sivîlan ser, hêrişê şarê ma yê sivîlî kena û bi hawayêkê eşkerayî sûcê şerî kena. Ma venga şarê xo danê ke vera plananê dewleta tirke tewirê xo bimojno.

Dewleta tirke ya îşxalkere seba nê armancanê xo yê gemarinan nê hêrişî kerdî:

18ê teşrîna peyêne de artêşa tirke ya îşxalkere herêma Metîna de dewa Bîgdadê ya qezaya Kanî Masî ser o bombayî varnayî. Nê bombardumanî de di dewijî birîndar bîyî û rewşa yewê înan giran a.

Heman roje artêşa îşxalkere herêma Garê de dewa Bêbadî, Newala Şirêlkê  û dewa Tîyê ya Akrê ser o bombayî varnayî. Bombarduman de zerar resa mal, baxçe û heywananê şarî ser.

19ê teşrîna peyêne de herêma Xakûrkê de warê Sinînî 7 reyan, warê Goşînî 6 reyna û dormeyê Çemê Lolanî zî 4 reyan dîyayî bombayan ver.''