Merkezê Îrtîbatî û Çapemenîye yê HPGyî derheqê hêrişanê dewleta tirke de eşkerayîye daye û nê vatî:

"Artêşa tirke ya îşxalkere payîzî ra nata hêrişê Warê Xoverdayîşî yê Girê Bahar, Girê Cûdî, Warê Binateyî, Girê FMyî û  Girê Amediyê yê Rojawanê Zapî kena. Vera mewzî û tunelanê ma pîya bi bombardumananê giranan çekê qedexe û kîmyewîyî, bombayê fosforî yenê şuxulnayene.

1ê adare de adirbirnayîş ame îlankerdene. Nê wextî ra dima hêrişî zafêr bîyî. Bitaybetî badê 20ê adare hêrîşî giranêr bîyî.  Hêzê ma ke wazenê pozîsyonê xo bibedilnê raştê hêrişî yenê. Dewleta tirke ya ke nê sey firsetî vînena û hêriş kena, bêbextî kena. Na rewşe de zaf firsatîye û elçaqîye yenê ciwîyayene.

Wa rayapêroyîye bizano ke ; 20ê adare de rana Warê Binateyî yê Rojawanê Zapî de xoverdayîşê girdî û pêkewtişê xurtî est ê. Nê xoverdayîşan de hemrayê ma Abbas, Lorîn, Rawan, Ozgur û Besê şehîd bîyî. Nasnameyê hemrayanê ma yê şehîdan do pêra bêrê eşkerakerdene.

Artêşa tirke ya îşxalkere tay pozîsyonan ra feyde kena û wazena ke qesasê binkewtişê xo yê tarîxî bigîro. La qet çîyêk nêeşkeno serê na raştîye bigîro. Nika zî vera Warê Xoverdayîşî yê Girê Cûdî û Girê Baharî gazê kimîyewî yenê şuxulnayene.

Detayê hêrişanê artêşa tirke û cewabê ke hêzanê ma dayî wina yê:

Hêrişê pê tayrarayanê şerî;

11 û 12ê nîsane de Warê Xoverdayîşî yê Girê Baharî yê Rojawanê Zapî di reyî pê teyarayanê şerî dîya bombayan ver.

Hêrişê pê çekanê giranan, top û obusan;

11 û 12ê nîsane de de Warê Xoverdayîşî yê Berê Zînê, Sinînê, Lolanî yê herêma Xakurkê, warê Girê Zengil, Deşta Kafya yê herêma Garê, Warê Xoverdayîşî yê Girê Baharî yê herêma Zapî 43 reyî pê teyarayanê şerî, top û obusan dîyayî bombayan ver.

12 û 13ê nîsane de Warê Xoverdayîşî yê Girê Baharî yê herêma Zapî hîrê saetî pê helîkopteranê hêrişî dîya bombayan ver. Bombardumanî tesîrê dewanê Belavê û Guherzê zî kerd.

Mudaxaleyê hêzanê ma yê vera hêrişan;

13ê nîsane de saetanê serê sibayî Warê Xoverdayîşî yê Girê Baharî de tanqêkî tunel û mewzîyê ma dayî bombayan ver, hetê Yewîya Şehîde Axîne Muş ra pê dronê kamîkaze ame pirodayene û îmhakerdene. Na çalakîye vera bombardumananê artêşa tirke ya îşxalkere yê vera herême, ameye kerdene.''