Merkezê Îrtîbatî û Çapemenîye yê HPGyî derheqê hêrişanê  îşxalî û çalakîyanê gerîlayan de eşkerayîyêke daye û nê pare kerdî:

''Avaşîn û Zap de xoverdayîşo tarîxî yê hêzanê ma dewam keno. Artêşa tirke ya îşxalkera ke vera têkoşînê hêzanê ma nêeşkena aver şiro û derbeyanê pîlan wena, sûcê şerî kena û çekanê kîmyewîyan şuxulnena. Rixmê heme hêrişan çalakîyê bitesîrî yê hêzanê ma dewam kenê.  Çalakîyanê peyênan de 4 îşxalkerî ameyî cezakerdene û 2 îşxalkerî birîndar bîyî.

Detayê çalakîyanê ke 22ê gulane de ameyî kerdene wina yê:

Avaşîn

Derûdorê Girê Werxelê yê Warê Xoverdayîşî yê Werxelê de hêzanê ma pê çekanê giranan têdima dire rey da îşxlakeran ro, îşxalkerêk ame cezakerdene û 2 îşxlakerî birîndar bîyî.

Zap

Artêşa tirke ya îşxalkere mewzîyê şerî yê Şehîd Berxwedanî yê Warê Xoverdayîşî yê Şehîd Şahanî pê teqaber û çekanê kîmyewîyan 14 rey dayî bombayan ver. Îşxalkeranê ke saetanê şanî de waşt reyna nê warî bido bombayan ver, hetê hêzanê ma ra pê çekanê ferdîyan ameyî pirodayene. Îxalkerî mecbûr mendê ke gamêke peyser agêrê. Hêzanê ma Girê Cehenemî yê warê Şehîd Şahînî de zî bi taktîkê sûîkastî da îşxalkeran ro, îşxalkerêk ame cezakerdene. Eynî roje îşxalkeranê ke waşt ver bi mewzîyanê şerî aver şirê hetê hêzanê ma ra ameyî pirodayene. Tîya pêkewtişê giranî qewimîyayî û dima ra îşxalkerî mecbûr mendê ke gamêke peyser agêrê. Çalakîya bîne zî Warê Xoverdayîşî yê Şîkefta Birîndara de ameye kerdene. Îşxalkeranê ke badê bombardimanî waşt ver bi mewzîyanê şerî aver şirê, hetê hêzanê ma ra ameyî pirodayene, îşxalkerêk ame cezakerdene. Îşxalkeran mewzîyê şerî yê warê Şehîd Tolhildanî yê Warê Xoverdayîşî yê Kurojahroyî dayî bombayan ver û dima ra waşt aver şirê. Hêzamê ma bi çalakîya sûîqestî da pirdo, ê mecbûr mendê ke gamêke peyser agêrê. Saetanê nêmeroje de îşxalkerî tîya reyna ameyî pirodayene, îşxlakerêk ame cezakerdene. Îşxalkeranê ke waşt hêrişê mewzîyanê şerî yê  warê Şehîd Berxwedanî yê Şehîd Şahanî bikerê pê çekanê giranan ameyî pirodayene. Tîya yew helîkopterî ser o zî guleyî ameyî varnayene. Îşxalkerî mecbûr mendê ke peyser agêrê.

Bombarduman

22ê gulane de Girê Amediye, Girê FM, Şehîd Şahîn, Saca, Girê Karker, Kurojahro, Şehîd Dîdar, Şehîd Harûn, Çemço, Rênçbir Axa ve Sîdayî yê herêma Zapî,  Girê Hakarî  û Girê Ortê yê herême Metîna û Warê Xoverdayîşî yê Werxelê bi obusan, helîkopteranê hêrişî û teyaranê şerî bi desan rey dîyayî bombayan ver.''