Merkezê Îrtîbatî û Çapemenîye yê HPGyî eşkera kerd ke Endamê Komîteya Merkezî ya PKKyî û Fermandarê Akademîyanê Apolloyî Dêrsim Nurhak 1ê teşrîna verêne ya 2021î de hêrişê vera Herêmanê Pawitişî yê Medya de şehîd bîyo û vat: ''Ma fermandaranê serkêşan ê Partîya xo PKKyî ra Dêrsim Nurhakî  serrgêra şehadetê ci de bihurmet û mînetî yad kenê û soz danê ke ma do vîrardişê ey rê girêdaye bimanê.''

Eşkerayîye de nê ameyî vatene: ''Hemrayê ma Dêrsimo ke vera hêrişê qirkerdişî yê serê şarê ma tewrê têkoşînê azadîye bi sey derwîşê modernî û mîlîtanê fedayî yê Apoyîyî morê xo da binê têkoşînê azadîye ro. Têkoşînê xo yê 31 serran de çar leteyanê Kurdîstanî de, başûrê rojawanî ra heta Dêrsimî, Serhedî ra heta Efrînî, Xakurkê ra heta Zap û Qendîlî, xeylêk metropolanê Tirkîya de bêmabên têkoşîn kerd û morê xo da binê serkewtişanê bêhûmaran ro. Hemrayê Dêrsim bi keda xo ya pîle bi Endamê Komîteya Merkezî ya PKKyî. O do sey şorişgêrê qehremanî û bi têkoşînê xo yê destankî çirey hetê hemrayanê û şarê xo ra mero vîrakerdene.

Nasnameyê hemrayê ma Dêrsim Nurhakî wina yo:

Nameyê Qodî: Dêrsim Nurhak

Name û Peyname: Izettin Inan

Cayê Bîyayîşî: Meletî

Maye-Pî: Cennete - Hasan

Tarîx û Cayê Şehadetî: 1ê Teşrîna Verên a 2021î / Herêmê Pawitişî yê Medya

Hemrayê Dêrsim qezaya Majûranî ya Meletî de sey ferdêkê eşîrê Balyanî keyeyêkê elewî yê kurdî de yeno dinya. Domanîya xo ra zextê serê kurdan û elewîyan nêzdî ra vîneno û gama 1983 de Amed de lîse de wenano komelê kurdan û raştîya dişmenî bineyna nas keno. 1986 de Îstanbul de unîversîte waneno û tîya aktîf falîyet rarya beno û PKKyî nêzdî ra nas keno. Hemrayê ma Dêrsim Unîversîteya Marmara de wendişê çapemenî-weşanî caverdeno, verê xo dano koyanê Kurdîstanî û 1990 de Gever de tewrê refanê gerîlayan beno. Hema ke gerîlayê çend mengan o Çelê û Colemêrg de tewrê xeylêk çalakîyan beno ke derbanê girdan danê dişmenî ro. Gerîlatîye warê şerî de museno û hema ke serra ci denêbîya beno fermandarê manga.

Hemra Dêrsim 1991 de sey wendekarêkê Akademîya Leşkerî ya Mahsum Korkmazî şino Warê Rayberîye. Nê prosesî de xo her hetî ra aver beno ke xo de kesîtîya şorişgêre biafirno. Hemrayê ma Dêrsim tîya ra berpirsîyarîya komêke geno xo ser û verê xo dano Eyaletê Başûrê Rojawanî û wezîfeyo ke Rayberîye dayo ci bi serkewtişî ano ca. 1991 ra heta 1994î tîya gerîlatîye keno. Nê prosesî de sere de Engizek, Nurhak û Bingoalar herêmanê Semsûr, Mereş, Meletî û Adana de têkoşîn rayra beno. Mabênê serranê 1994-1995î de Warê Dêrsimî û Eyaletê Koçgirî de gerîlatîye keno.

Fermandaro bêters hemra Dêrsim 1995 de Eyaletê Dêrsimî de ermeyê xo ra, 1996 de Eyaletê Başûrê Rojawanî de qorê xo ra bi guleyî û 1998 de Antalya de serê zinarî ra gineno war û birîndar beno. La o lezabez beno weş û bêmabên têkoşînê xo domneno. Wazeno ke sey gerîla û fermandarê ARGKyî wezîfeyanê xo bi serkewtişî bîyaro ca û bibo layikê Rayberîye û Şehîdan. Hemrayê ma Dêrsim 1997 de bi komêka  hemrayanê xo verê xo dano Torosan û tîya serrêke xebat keno. Dima ra Amanos û Torosan de falîyetanê xo rê dewam keno û beno fermandarêko efsane.

Hemrayê ma Dêrsim wextê peyserancîyayîş de agêreno Herêmanê Pawitişî yê Medya û tîya tewrê perwerdeyê Mektebê Merkezê Partî yê Mazlûm Doganî beno. 2023 de sey Fermandarê Eyaletî verê xo dano Eyaletê Serhatî tîya heta 2006î maneno û semedê Hemleya 1ê Hazîrane keda pîle dano. Dima ra agêreno Herêmanê Pawitişî yê Medya û tewrê xebatanê Fermandarîya Qerargehê Merkezî beno. Sere de Xakurkê xeylêk waranê Herêmanê Pawitişî yê Medya de fermandarîye keno. 2010 û 2011 de Warê Amanosî de Fermandarîya Warî keno û ûcara verê xo dano Efrînî.  Bado ke Efrîn de wezîfeyê xo yê tarîxî ano ca reyna verê xo dano Vakurê Kurdîstanî û dima ra reyna agêrano Herêmanê Pawitişî yê Medya û sey Fermandarê Akademîyanê Apolloyî wezîfe geno xo ser.''