Merkezê Îrtîbatî û Çapemenîye yê HPGyî da zanayene ke artêşa tirke ya îşalkere vera Herêmanê Pawitişî yê Medya ke aşmanê zimistan de seba ke gerîlayan ra darebeyê girdî werdî û tira vejîyaye, newe ra bi paştdayîşê PDKyî operasyonê îşxalî dayo destpêkerdene.

HPGyî derheqê çalakîyanê gerîlayan û hêrişê artêşa tirke de nê pare kerdî:

''Herêma Zapî;

10ê temmuze de Girê Şehîd Tolhildanî yê Warê Xoverdayîşî yê Kurojahroyî  pê teyarayanê şerî û obusan dîya bombayan ver. 12ê temmuze de badê bobardumanî pê helîkopteran leşkerî herême de ameyî cakerdene. Artêşa tirke ya îşxalkere pê helîkopteran Girê Şehîd Harun, Girê Şehîd Tolhildan û Girê Şehîd Dîdarî yê Kurojahroyî de leşkerê xo ca kerdî. Waranê Xoverdayîşî yê Saca, Kokerê, Kurojahro û Karkerî de hêrişê îşxalkeran dewam kenê.

Herêma Şehîd Delîlî ya Rojawanê Zapî;

19 û 20ê temmuze de Warê Xoverdayîşî yê Girê FMyî de îşxalkeranê ke waşt hêriş bikerê bi çekanê giranan ameyî pirodayene û cîhazê înan ê jammerî bi taktîkê suîkastî ame îmhakerdene. 20ê temmuze de artêşa tirke ya îşxalkere Warê Xoverdyîşî yê Girê Cûdîyî 41 rey bi teyarayanê şerî û 22 rey bi helîkopteranê hêrişî da bombayan ver. Badê bombardumanî saetanê şewe de Girê Şehîd Zagrosî yê Girê Cûdîyî de des rey pê helîkopteran leşkerî ameyî ronayene. 21ê temmuze de îşxalkeranê ke waşt Girê Şehîd Zagrosî ra ver bi Girê Şehîde Şîlan şirê bi taktîkanê cîya cîyayan 7 rey ameyî pirodayene û verê înan ame girewtene.

Herêma Avîşînî;

17ê temmuze de Warê Xoverdayîşî yê Tabûrê Ereban de îşxalkerî bi ameyî pirodayene, hîrê îşxalkerî ameyî cezakerdene. Îşxalkeran meyîtê xo pê helîkopteran wedaritî. Herême de hêrişê îşxalkeran dewam keno.

Herêma Metîna;

19ê temmuze de artêşa tirke ya îşxalkere warê Girê Ortê yê Metîna de, cayo ke PDK tede hêzdar o, tîya ra hareket ked û erdî ra operasyon da destpêkerdene. Îşxalkeranê ke nuqtaya PDKyî ra dest pê hêrişî kerd ver bi waranê Neqeba Tirvanîş û Şehîd Pilingî aver şiyî. 20ê temmuze de  îşxalkeran nuqtaya PDKyî yê warê Girê Ortê de hacetê çimdarî ca kerdî. PDKyî eşkera nuqtaya xo fîna xizmetê artêşa tirke ya îşxalkere ke wa rehet hêrişê hêzanê ma bikerê. PDK eşkera paştî dano îşxalkeran. Operasyon hema dewam keno.

Bombarduman

11 û 12ê temmuze de mewzîyê Warê Xoverdayîşî yê Kokerê yê Zapî pê bombaya nukleere dîya bombayan ver. 20 ê temmuze de zî Warê Xoverdayîşî yê Sîda yê Zapî pê bombaya nukleere dîya bombayan ver. Reyna erd û hewayî ra zî hêrişî dewam kenê. 17- 18- 19 û 20ê temmuze de artêşa tirke ya îşxalkere xeylêk warê  Zap, Xakurkê û Metîna bi desan rey pê teyarayanê şerî, helîkopteranê hêrişî, tanq, obus û çekanê giranan dayî bombayan ver.''