Merkezê Îrtîbatî û Çapemenîye yê HPGyî derheqê hêrişê dewtleta tirke de zanayîş da.

Eşkerayîya HPGyî wina ya:

''Dewleta tirka ke her ca de wazena şarê kurdî mexdur bikero û teslîm bigîro şarê ma yo ke bi koçberîye îdareyê xo keno, ci rê zext kena. Dewijî pê zextan yenê mexdurkerdene. Bitaybetî demo peyên de dewleta tirke ya îşxalkere warê Masîroyî yê qezaya Şaxî ya Wanî de şarî tehdît kena ke dewan û wareyanê xo caverdê. Ganî vera nê zextan şarê ma tewir bigîro û rayapêroyîye zî hîsgêr bo.

12ê temmuze de warê Girê Sorî yê Avaşînî de têgêrayîşê helîkopteran qewimîya, badê mudaxelyê hêzanê ma helîkopterê Skorsky û hêrişî peyser agêrayî. Reyna waranê Mervanos, Tabûre Ereban, Mamreşo, Girê Silêmanî, Girê Sipî û Qilê Şehîd Întîkamî yê Avaşînî de zî têgêrayîşê helîkopteran estbi. Xeta Qaşûra ya Metîna de zî têgêrayîşê helîkopteran qewimîya û warê Koordîne û dormeyê dewanê Êdinê û Seraru pê helîkopteranê hêrişî ameyî bombardumankerdene. Herêma Xakurkê de zî  Qilê Hawar û dormeyê Awa Lolanî yê warê Goşînê pê teyarayanê şerî ameyî bombardumankerdene. Herêma Zapî de zî warê Cîloya Biçûkî de têgêrayîşê helîkopteran qewimîya û Qilê Şehîd Serxwebûnî de leşkerê tirkî ameyî bedilnayene. Warê Kurojehroyî zî pê teyaranê şerî ame pirodayene.

Nê hêrişê ke ameyî kerdene de vînîbîyayeyê ma çîn ê.''