Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayanê azadîye yê Kurdîstanî de eşkerayîyêke daye.

Goreyê eşkerayîye Çemço de 28 û 29ê teşrîna verêne de gerîlayan pê taktîkê suîkastî di îşxalkerî ceza kerdî. Herêma Xakurkê de zî 28ê teşrîna verêne de Warê Xoverdayîşî yê Girê Şehîd Şahanî de gerîlayan îşxalkerî pê çekanê giranan derb kerdî.

Eşkerayîye de derheqê hêrişanê artêşa tirke ya îşxalkere de zî nê agahîyî ameyî dayene:

''Hêrişê ke pê çekanê kîmyewîyan ameyê kerdene

28ê teşrîna verêne de Warê Xoverdayîşî yê Amedîyê de vera mewzîyanê Şehîd Pîrdoganî çekê kîmyewîyî şuxilîyayî ke goreyê tesbîtan nê gazê kîmyewîyî boyêka girane danê û bêreng ê.

28ê teşrîna verêne de Warê Xoverdayîşî yê Saca de vera mewzîyanê Şehîd Xursî, vera mewzîyanê Şehîd Felatî yê Warê Xoverdayîşî yê Sîda dîyayî bombayan ver. Vera mewzîyanê Şehîd Bahozî yê Warê Xoverdayîşî yê Çemçoyî zî çekê kîmyewî şuxilîyayî û tîya de îşxalkeran dûyê jehrînî verdayî zereyê mewzîyan.

Hêrişê bînî:

27 û 28ê teşrîna verêne de warê Girê Zengil, Derîyê Hirçê, dewa Berçî yê Garê, warê Golka yê Metîna û dormeyê Awa Zapî, Warê Xoverdayîşî yê Girê FMyî, Çemço û Girê Cûdîyî dîyayî bombayan ver. 28ê teşrîna verêne de zî îşxalkeran kerd ke pê kepçeyan mewzîyanê Warê Xoverdayîşî yê Karkerî birijnê.''