Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

''23yê temmuza 2022yî de Garê de embazê ma Soro Xizginos tewrê karwanê şehîdan bi. Ma ey bi rêzî yad kenê.

Embazê ma Soroyî bawer kerd ke Kurdîstan de serkewtiş ancax perwerîya bi xeta fedayîtîye mumkîn beno û bi na bawerîye bi fedayîtî têkoşîn kerd. 

Ma soz danê ke ala têkoşînî ya embaz Soroyî bi serkewtişî tacîdar bikerê, rayraşîyayîşê Rayberîya Azade û Kurdîstanê Azadî temam bikerê. Ma sere de keyeyê embaz Soroyî yê ercîyayeyî rê pêro şarê Kurdîstanî yê welatperwerî rê serweşîye wazenê.

Nasnameyê embazê ma Soroyî wina yo:

Embazê ma Soro Amed de dadîya xo ra beno. Xal û xala ci yê gerîlayî tim ey rê benê nimûnê. O wextêk mîyanê xebatanê ciwanan de cagêno. Dima o Amedî ra tewrê gerîlayan beno. Wextê xoverdayîşê xoîdarekerdişî yê Amedî de o wazeno tewrê xoverdayîşî Sûrî bibo. Dima embaz Soro derbazê Herêmanê Pawitişî yê Medya beno.

Dima ke kênaya apê ci Rewşene Amed şehîd bena, embaz Soro mîrasê aye yê têkoşînî dewr gêno û seba ke qesasê şehîdan bigêro bi xurtî xo ver dano. Embaz Soro bi kesayet û milîtanîya xo embazanê xo yê bînan rê zî beno nimûne. Embaz Soro têkoşînê xo yê bêteredûtî rê Amedî ra heta Herêmanê Pawitişî yê Medya dewam keno. Ma soz danê ka erkanê ke ey dewrê ma kerdê bi serkewtişî bîyarê ca.''