Merkezê Îrtîbatî û Çapemenîye yê HPGyî bi eşkerayîyêke da zanayene ke Fermandara YJA-Starî Ekîne Reşît şehîd bîya. Eşkerayîye wina ya:

''Têkoşînê azadîye yê Kurdîstanî şarê ma polîtîkayanê qirkerdişî ra xelisna. Ewladanê qehremanan ê şarê kurdî pê têkoşînê xo yê vera hêrişanê dewleta tirke  tarîx nuşt. Embaze ekîne zî cepheyê tewr vernî de cagirewt, derbê giranî dayî artêşa tirke ya faşîste ro û bîye fermandaranê tewr girîngan ê têkoşînê gerîlayan ra yew. Embaze Ekîne Reşît 2016 de şejîd bîye û peynîya xo de mîrasêko xurt verda. Ma aye serrgêra şehadetê ci de bi rêzdarî yad kenê, sere de keyeyê ci yê ercîyayeyî pêro şarê welatperwerî yê Kurdîstanî rê serweşîye wazenê. Vîrameyîşê embaze Ekîne do tim têkoşînê ma de vernîya ma roşnî bikerê.

Nasnameyê embaze Ekîne Reşît wina yo:

Nameyê Qodî: Ekîne Reşît Name û Peyname: Halîme Erbey Cayê Bîyayîşî: Mersîn Maye-Pî: Meryeme – Abdurrahîm Tarîx û Cayê Şehadetî: 2016/Herêmê Pawitişî yê Medya

Şarê ma yê Botanî tim bîyo sembolê welatperwerîye û perwerîya bi erjan. Şarê Botanî tim mîyanê têkoşînî de cagirewt û tim bedel da. Keyeyê embaze Ekîne zî botanij o la netîceya polîtîkayanê teda û şîdetî yê dewlete de neçare mend ke koçê metropolan bikero. Embaze Ekîne Mersîn de dadîya xo ra beno. A hema domanîya xo de PKK şinasneno û ciwanîya xo de zî mîyanê xebatan de cagêno. Embaze Ekîne kekê xo Reşît-Mesut Erbeyî ra dima 2001 de zî tewra gerîlayan bena.

Koyan de tewr zaf embazîya gerîlayan tesîrê embaze Ekîne keno. Embaze Ekîne tim kena ke biba milîtanêka serkêşe û seba ney xîret kena. A mîyanê Hêzanê Taybetan de cagêna. Dima ke kekê ci 2007 de şehîd beno embaze Ekîne seba ke qesasê ey bigêra têkoşînî kena berzêre. A Qendîlî ra heta Dêrsimî gerîlatîye kena û dima agêrena Herêmanê Pawitişî yê Medya. Akademîya Mahsum Korkmazî de perwerde vînena. Dima sey fermandarêke 2014 de Avaşîn de şer kena. 2015 de a vera dişmenî çalakîyanê bitesîran kena û 2016 de pêkewtişêk de bena şehîd.

Embaze Ekîne Zagrosan ra heta Dêrsimî kedêka pîle dana û bi qerardarî cepheyê xoverdayîşî de cagêna. Embaze Ekîne pê têkoşînê xo yê destanwarîyî tim do mîyanê têkoşînê ma de biciwîya û biba çimeyê îlhamî yê xoverdayîşê ma.''