Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: ''Vera hêrişanê îşxalî yê  artêşa tike xoverdayîşo bitesîr ê hêzanê ma dewam keno.  Hêzê ma bi taktîkanê afirnayoxan her firset de derbanê giranan danê dişmenî ro û verê ci genê ke wa waranê xoverdayîşî de xo ca mekerê. Îşxalkerê ke vera çalakîyanê gerîlayan de bêçare mendî Warê Xoverdayîşî erd û hewayî ra dayî bombayan ver. Dewleta tirka ke derbeyê girdî werdî û waştişê xo dest nêfîna, raştîyan şarî ra nimnena. Derheqê şehadetê gerîlayan de  bi xeberanê zûran şarî xapînena.

Hêrişê ke 20ê temmuze de dest pêkerd heta nika Herêmanê Pawitişî yê Medya de qet vînîbîyayeyê ma çîn o. Têna embazêkê/a ma ra xebere nîna girewtene.  Medyaya şerê taybetî yê dewleta tirke vînîbîyayeyanê xo nimnena û bi xeberanê zûran şarî xapînena. Gerek şarê ma nê xeberanê zûran ê dewleta tirke rê mexapîyo. Ma do sey verî ewro ra tepîya zî derheqê hêrişê dişmenî û xoverdayîşê Gerîlayanê Azadîye yê Kurdîstanî de xeberanê raştan pare bikerê.''

Derheqê detayanê çalakîyanê gerîlayan û hêrişanê artêşa tirke de nê ameyî vatene:

Herêma Şehîd Delîlî yê Rojawanê  Zapî:

''23ê temmuze de îşxalkeranê ke wa waşt xo Warê Xoverdayîşî yê Girê Cûdîyî de ca bikerê, hêtê hêzanê ma yê YJA Starî ra ameyî pirodayene û îşxalkerêk birîndar bi. Eynî roje îşxalkerî eynî warî de reyna di rey bi taktîkê suîkastî ameyî pirodayene û di îşxalkerî ameyî cezakerdene. 24ê temmuze de helîkopteranê ke waşt warê Xoverdayîşî yê Girê Cûdîyî de leşkeran ronê, hêzanê ma çar rey mudaxaleyê ci kerd û destûr nêda leşkerî bêrî war. Helîkopterî mecbur mendê ke herême ra bikewê dûr.

Hêrişê artêşa tirke

24ê temmuze de Warê Xoverdayîşî yê Girê Cûdî û Girê Bahar yê herêma Şehîd Delîlî yê rojanwanê Zapî, warê Golka û Gundê Şêlazê yê Metîna, bi teyaranê şerî û  helîkopteranê hêrişî o topan dîyayî bombayan ver.''