Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan de zanayîş da.

Eşkerayîye de ca dîya nînan: ‘’ 23’ê Tebaxe de Qilê Partîzanî yê Heftanînî de hêzanê ma vera yewîyanê operasyonî hîrê çalakîyê sabotajî viraştî la hûmara merde û birîndaran a leşkeran zelal nêbîye. Ma dabi zanayene ke  25’ê Tebaxe de çalakîya gerîlayan a Qilê Partîzanî de  20 îşxalkarî ameyî kiştene. Goreyê zanayîşanê peyênan   fermandaro îşxalkar o ke operasyon koordîne kerdêne ameyo kiştene. 26’ê Tebaxe de artêşa  Tirkî ya îşxalkare leşkerê xo kiriştî Qilê Sîserî yo ke pabesteyê Geliyê Pisaxa yo. Heman roje de herêmê Bêzenikê û Gelîyê Pisaxa bombardûman kerdî.

Êlih de 2 Gerîlayî Şehîd Bîyî

14’ê Tebaxe de mintiqaya Qelanîsî ya Êlihî de bi paştdayîşê wesayîtanê hewayî yê bêmerdiman operasyon ame destpêkerdene. 15’ê menge de herême ameye bombardûmankerdene. Bombardûman de di embazê ma şehîd bîyî. Operasyon heman roje de peyser ancîya.  Hayîdarîyê nasnameyanê embazanê ma do rayapêroyîye dir bêrê parekerdene.’’