HPGyî da pêhesnayene ke herêmanê Heftanînî û Agirî de şer û çalakîyanê gerîlayan de 5 leşkerê tirkî ameyî kiştene û 10 leşkerî zî birîndar bîyî. Şer de 3 gerîlayî zî şehîd bîyî. HPGyî pare kerd ke Agirî de artêşa tirke bi zanayîşî dewijêk qetil kerd.
Merkezê Îrtîbatî û Çaepmenîye yê HPGyî derheqê çalakîyanê gerîlayan û hêrişanê dewleta tirke de eşkerayîyêka nuştekîye weşanaye.
Eşkerayîye wina ya:
''Çarçewa Hemleya Şorişgêre ya Cengê Heftanînî de ke herêma Heftanînî û Herêmanê Pawitişî yê Medya de dewam kena hêzanê ma 1ê çeleyî de vera artêşa TCyî ya îşxalkere Girê Partîzanî de çalakîyêk kerde. Derbê giranî ameyî dayene çeper û cayê mendişanê dişmenan ro û netîce de 2 leşkerê dişmenî ameyî kiştene. Artêşa TCyî ya îşxalkere çalakîye ra dima bi çekanê giranan hêrişê dormeyî kerd.
6ê kanûna 2019î de warê dewa Mûşîyanî ya Tûtaxî ya Agirî de artêşa TCyî ya îşxalkere dest pê operasyonî kerd. Serê sibayî ra heta nêmroje mabênê yewînêka ma û artêşa TCyî ya îşxalkere de şer qewimîya. Şer de 3 leşkerî ameyî kiştene û 10 leşkerî zî birîndar bîyî. 3 embazê ma yê ke heta guleyê xo yê peyênî bi hawayêkê çêrî şer kerd şehîd bîyî. Artêşa TCyî ya îşxalkere heman wextî de dewa Mûşîyanî ya Tûtaxî de bi zanayîşî sivîlêkê bi nameyê Murat Kayayî qetil kerd. Zanayîşê derheqê embazanê ma yê ke şehîd bîyî de dima ra do bêrê parekerdene."
