Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîye daye.

Eşkerayîye wina ya:

''Hêzanê ma çarçewa Hemleya Şorişgêre ya Cengê Heftanînî de tay çalakîyî kerdî. 15ê teşrîna verêne de artêşa tirke ya îşxalkere Banîk de herêma Heftanînî de dest pê operasyonî kerd. Hêzanê ma bi çalakîya sabotajî derbê giranî dayî dişmenî ro. Hûmara kişteyan nêameye zelalkerdene. Îşxalkerî 17ê teşrîna verêne de herême ra apey şîyî.

Hêzanê ma reyna 15ê teşrîna verêne de warê Keşanî yê Heftanînî de vera leşkeranê tirkan ê îşxalkeran Girê Koxê Mele Yehyayî de çalakîya sûîkastî kerde. Na çalakîye de îşxalkerêk ame cezakerdene. Îşxalkeran dima bi obus, hawan û çekan herême ser o bombayî varnayî. Netîceya bombardumanî de herême de şewat vejîya.

Hêzanê ma 17ê teşrîna verêne de warê Minînî yê herêma Heftanînî de vera îşxalkeran Girê Sûpişkî de çalakîyêke kerde. Hêzanê ma kozikêko ke tede komêka îşxalkeran estbî, îmha kerd.

Hêzanê ma herêma Metîba de vera qereqolê Kanîmasî çalakîya sûîkastî kerde. Na çalakîye de îşxalkerêk ame cezakerdene.

Dewleta tirke ya îşxalkere 14ê teşrîna verêne de qezaya Çelê ya Colemêrgî de dewanê Gizê, Zaîte, Tixubê, Guzereşê, Sirtê Helwesîs, Sirtê Pîrê û Girê Şehîd Egîtî de operasyonêk dabi destpêkerdene. Îşxalkeran dewa Guzerelî de şarê ma rê teda kerd û tay dewijî destbend kerdî. No operasyon 15ê teşrîna verêne de tay hetan ra qedîya.

Hêrişê hewayî

Artêşa tirke ya îşxalkere 16ê teşrîna verêne de warê Şikefteyan ê dewa Meyroke yê herêma Garî ser o bombayî varnayî. Heman roje serê sibayî warê Werxelî yê herêma Avaşînî ser o zî bombayî varnayî. 17ê teşrîna verêne de zî artêşa îşxalkere warê Gelîya Avaşînî yê herêma Avaşînî ser o bombayî varnayî.

Bombardumanan de zerarêk nêresa hêzanê ma ser.''