Merkezê Îrtîbatî û Çapemenîye yê HPGyî derheqê gerîlayo ke 24ê temmuze de Wan de şehîd kewt de eşkerayîyêk daye û nê pare kerdî:

''24ê temmuze de mintiqaya Gelîya Zîlane ya qezaya Erdîşî ya Wanî  de mabênê hêzanê ma û îşxalkerkan de pêkewtişî ameyî ciwîyayene. Nê pêkewtişan de embazê ma Herekolo ke hemverê  yewîyanê dişmenî de bi qeremankî şer kerd, tewrê kerwanê şehîdan bi. Zanayîşê nasnameyê embazê ma yê şehîdî wina yê:

Nameyê Qodî: Herekol Artêş Name Peyname: Halîl Kaygûsûz Cayê Bîyayîşî: Sêrt Maye - Pî: Zeynepe – Hamît Tarîx û Cayê Şehadetî: 24ê Temmuza 2019 / Wan

Hemra Herekolo ke serra 1987î de qezaya Dihî ya Sêrtî de ameyo dinya domanîya xo de raştîya zextî ya dişmenî nas keno û pîya bi keyeyê xo serra 1996î de bar keno şino Dîlok. Hemra Herekolo ke emrê xo yê ciwanî de Têgêrayîşê Azadîye nas keno, bi cigêrayîşê heqîqetî û cuya azade 2007 verê xo dano koyanê Kurdistanî. Embaz Herekol ke 5 serrî yo  Eyaletê Serhadî yo ke merkezê şerî ra yew o de gerîlatîye kerdêne. Tewr peynî de mintiqaya Gelîya Zîlane ya Erdîşî de bi waştişê qesasgirewtişî heta hela xo ya peyêne û helmê xo yê peyênî da dişmenî ro û tewrê kerwanê şehîdan bi. Sere de sereyê keyeyê embazê ma Herekolî wa sereyê heme şarê ma yê welatperwerî weş bo. Ma soz danê heta ma waştişanê şehîdanê xo bica bîyarê ma do mucadeleyê xo bidomnê.''