HPG: Lêlîkan de 6 leşkerê Tirkî ameyî kiştene
Gerîlayanê HPG û YJA Starî Qilê Lêlîkanî yê pabesteyê Sîdekanî de da yewîya artêşa Tirkî ya îşxalkare ro, 6 leşkerî ameyî kiştene. Çalakîye de vîndîbîyayeyê gerîlayan çîn ê.
Merkezê Çapemenî û Îrtîbatî yê HPGyî derheqê çalakîya gerîlayan a Lêlîkanî de eşkerayîyêk daye.
Eşkerayîye de ca diya nînan:
‘‘Saetanê nîmrojî yê 28ê Kanûne de Qilê Lêlîkanî yê pabesteyê Sîdekanî yê Başûrê Kurdistanî de gerîlayan hemverê leşkeranê artêşa Tirkî de çalakîyêk viraşte. Yewîya dişmenî di qolan ra bi hawayêkê bitesîrî ameyî pirodayene , 6 leşkerî ameyî kiştene 1 zî birîndar bi. Hêzê ma şîyê meyîtanê leşkeran ser û xeylê cepxaneyê înan zî wedart. Çalakîye ra dima artêşa Tirkî bi paştîdayîşê helîkopteran merde û birîndarê xo herême ra kiriştî. Yewîya ma ke çalakî viraşte, vîndîbîyayeyê înan çîn ê.
METÎNA DE HÊRIŞÊ HEWAYÎYÎ
Saetanê şewe yê 27ê Kanûne de teyareyanê şerî yê artêşa Tirkî herêma Wareyê Pawitişî yê Medya ra Metîna de Qilê Colemêrgî bombardûman kerd. Netîceyê bombardûmanî de vîndîbîyayeyê ma çîn ê.‘‘
