Merkezê Îrtîbatî û Çapemenîye yê HPGyî nasnameyê 6 gerîlayanê ke par herêma Kato Jîrka de şehîd bîyî eşkera kerdî.

Eşkerayîye wina ya:

''24ê êlula 2020î de warê Tehtê Reşî yê herêma Kato Jîrka de artêşa tirke ya îşxalkere bombardumanêko giran kerd. Netîceya nê bombardumanî de embazê ma Serhildan (Kadîr Ertunç), Yildize (Nurgule Duran), Zîlane (Gule Esed), Botan (Alî Riza Golcer), Botan (Vurkan Yildiz) û Rizgar (Ahmet Gok) şehîd bîyî.

Nasnameyê embazanê ma yê şehîdan wina yê:

Nameyê Qodî: Serhildan Agît Name û Peyname: Kadîr Ertûnç Cayê Bîyayîşî: Colemêrgê Maye-Pî: Lale-Abdûrrahman Tarîx û Cayê Şehadetî: 24ê Êlula 2020î / Kato Jîrka

Nameyê Qodî: Yildize Gelhat Name û Peyname: Nurgule Duran Cayê Bîyayîşî: Mêrdîn Maye-Pî: Gulistane-Îzzettîn Tarîx û Cayê Şehadetî: 24ê Êlula 2020î / Kato Jîrka

Nameyê Qodî: Zîlane Roj Name û Peyname: Gule Esed Cayê Bîyayîşî: Amûdê Maye-Pî: Necehe-Fesîh Tarîx û Cayê Şehadetî: 24ê Êlula 2020î / Kato Jîrka

Nameyê Qodî: Botan Gabar Name û Peyname: Alî Riza Golcer Cayê Bîyayîşî: Wan Maye-Pî: - Tarîx û Cayê Şehadetî: 24ê Êlula 2020î / Kato Jîrka

Nameyê Qodî: Botan Goyî Name û Peyname: Vurkan Yildiz Cayê Bîyayîşî: Şirnex Maye-Pî: Zehra-Seydî Tarîx û Cayê Şehadetî: 24ê Êlula 2020î / Kato Jîrka

Nameyê Qodî: Rizgar Colemêrg Name û Peyname: Ahmet Gok Cayê Bîyayîşî: Colemêrg Maye-Pî: Mercan-Ahmet Tarîx û Cayê Şehadetî: 24ê Êlula 2020î / Kato Jîrka

Botan seba Gerîlayanê Azadîye yê Kurdîstanî her tim bîyo qible coka bi hezaran embazê ma yê çêrî bi qerardarî û bawerîya azadîya Rayber Apoyî ver bi Botan şîyî. Embazanê ma Serhildan Agît, Yildize Gelhat, Zîlane Roj, Botan Gabar, Botan Goyî û Rizgar Colemêrg zî alaya azadîye embazanê xo ra dewr girewte û verê xo da erdê fîrazî yê Botanî.

Embazanê ma Serhildan Agît, Yildize Gelhat, Zîlane Roj, Botan Gabar, Botan Goyî û Rizgar Colemêrg Botan de vera artêşa tirke ya îşxalkere bi ked û fedakarîya pîle têkoşîn kerd û derbî dayî kolonyalîstan ro. Nê embazanê ma pê tewirê xo reyna mojna ma ke têkoşînê vera planê tasfîye yê dişmenî senî yeno kerdene. Şehîdanê Tehtê Reşî çarçewa Hemleya Şorişgêre ya Şehîd Rizgar Gever û Şehîde Medya Mawa de Kato Jîrka de derbê giranî dayî artêşa tirke ya îşxalkere ro û înan îdîaya dişmenî ya 'gerîlayî qedîyayî' pûç kerde.

Şeş ambazê ma yê ke herêmanê cîyayan ê Kurdîstanî ra yê dormeyê îdeolojîya Rayber Apoyî de ameyî pêser û înan vera dişmenê faşîstî şer kerd. Şarê ma pê tewir, embazî û perwerîya înan sereberz bîyo û ê wina tewrê karwanê şehîdan bîyî. Ma do heta peyêne wayîrê mîrasê têkoşînî yê embazanê xo vejîyê û pê azadîya Rayberîye û Kurdîstanî armancanê şehîdanê Tehtê Reşî bîyarê ca.

Nê esasî ser o ma sere de keyeyanê ercîyayeyan ê şehîdanê xo rê, pêro şarê welatperwerî yê Kurdîstanî rê serweşîye wazenê.''