Merkezê Îrtîbatî û Çapemenîye yê HPGyî nasnameyê 4 şehîdanê ke 19ê temmuza 2020 de Heftanîn de şehîd bîyî eşkera kerdî.

Eşkerayîye wina ya:

''19ê temmuza 2020 de artêşa tirke ya îşxalkere warê Şeşdara yê Heftanînî da bombayan ver. Netîceya nê hêrişî de embazê ma Brûsk, Bêrîtane, Hêjar û Serhat şehîd bîyî.

Embazê ma Brûsk Mêrdîn de dadîya xo ra bi û rixmo ke dima metropol de bi pîl kurdayetîya xo pawite. Embaz Brûskî karê ciwanan de ca girewt û seba ke wayîrê xeyalê xo yê domanîye vejîyo 2012 de tewrê gerîlayan bi. Embaz Brûsk pê fedakarî, zerrînizmî û perwerîya xo ya Rayberîye  embazanê xo reyde têkilîyê xurtî ronayî. Embaz Brûsk bi hawayêkê fedayî ciwîya û şehîd bi. Embaz Brûsk seba ke tewrê Cengê Heftanînî bibo bi kelecanî derbazê Heftanînî bi û  xoverdayîşê rûmetînî de cayê xo girewt.

Embaza ma Bêrîtane dewa Zivingokî ya Şirnexî de dadîya xo ra bîya û dima ke felsefeya Rayber Apoyî şinasnaye tewra gerîlayan bîye. Embaze Bêrîtane rayraşîyayîşê têkoşînî de wextêkê kilmî de gamê pîlî eştî û pê perwerdeyê gerîlatîye Botan ra heta Zagrosan rayraşîyayîşê gerîlayan de ca girewt. Embaze Bêrîtane Cengê Heftanîn de sey şerwana YJA-Starî rayberîye kerde û sey milîtanêka Rayber Apoyî rayraşîyayîşê xo pê şehadetê xo tacîdar kerd.

Embaza ma Hêjare Mûş de dadîya xo ra bîye û pê bawerîya şerê şorişgêrîyî tewra têkoşînê gerîlayan bîye. Embaze Hêjare pê milîtanîya Rayber Apoyî sey şerwanêka YJA-Starî pêro wezîfe û mesuldarîyê xo ardî ca. Embaze Hêjare 2014 de vera DAÎŞî Şingal de şer kerd û wezîfeyê rayberîya cinîyan ard ca. Embaze Hêjare Cengê Heftanînî de zî bîye sembolê xoverdayîşê tarîxîyî û şerwana raybere ya YJA-Starî.

Embazê ma Serhat herêma Serhedî de dadîya xo ra bîyo û keyeyî ci tedaya dewlete ra bar kerd metropolî.  Embaz Serhat dima ke karanê ciwanan de ca girewt tewrê gerîlayan bi. Embaz Serhatî kesayetê xo pê îdeolojîya Rayber Apoyî kerd xorinêr û bi çimeyê moralî yê embazanê xo. Embaz Serhat pêro wezîfe û mesuldarîyê xo ardî ca pê xoverdayîşê xo bi temsîkarê milîtanîya fedayî ya Rayber Apoyî.

Sere de keyeyanê ercîyayeyan ê şehîdanê ma rê ma pêro şarê welatperwerî yê Kurdîstanî rê serweşîye wazenê. Ma soz danê ke ma do xeyalê Kurdîstanê Azadî û Rayberîya Azade yê şehîdanê xo yê çeran bîyarê ca.''