Merkezê Îrtîbatî û Çapemenîye yê HPGyî bi eskerayîyêke nasnameyê di gerîlayan ê şehîdan eşkera kerdî û da zanayene ke keyeyê wird gerîlayan zî hetê AKP ra xapîyayî û verê berê HDPyî de ronişenê.

Eskerayîya HPGyî wina ya:

"20ê sibata 2017î de warê Sêgirî yê Amedîyê de embazê ma Şerzan hêrişê hewayî yê artêşa tirke ya îşxalkere de şehîd bi. Nasnameyê embazê ma wina yo :

Nameyê Qodî: Şerzan Baz Name û Peyname: Arafat Balta Cayê Bîyayîşî: Amed Maye-Pî: Sabiha – Mehmet Tarîx û Cayê Şehadetî: 20ê Sibata 2017 /Herêmê Pawitişî yê Medya

13ê tebaxa 2018î de warê Garê de embazê ma Mervan netîceya hêrişê hewayî de şehîd bi.

Nameyê Qodî: Mervan Amed Name û Peyname: Ramazan Uçdag Cayê Bîyayîşî: Amed Maye-Pî: Mevlude – Recep Tarîx û Cayê Şehadetî:13ê Tebaxa 2018î /Herêmê Pawitişî yê Medya

Partîya ma PKKyî rayberîya Serek Apoyî de ewladê ercîyayeyî yê Kurdîstanî newe ra vetî meydanê tarîxê têkoşînî. Kadroyanê rûmetênan yê PKKyî têkoşînê azadîye yê Kurdîstanî 50 serran ra nata tarîx newe ra nuşt, bi des hezaran şehîdî dayî, destanê qehremanîye nuşt û hema zî kadroyê ma nê destanî nusenê. Şarê ma 40 serran ra nata her ca û koyê Kurdîstanî de xo ver dano û Rayberê ma 22 şerrî yo Îmralî de têkoşîn keno.

Dewleta tirka ke nêeşkaye têkoşînê azadîye yê Kurdîstanî bi qirkerdişan tasfîye bikera bi şerê taybetî kena ke verê têgêrayîşê ma bigêra. Dewleta tirke wina propaganda kena ke gerîlayî pê xapînayîşî bi zorî yenê berdene bi koyan. La ganî bizanîyo ke bê îradeyê xurtî, bê hîşnendîya xurte çew/e nêeşkeno rojêke zî koyan de bimano. Gerîlayî pê perwerîya Rayber Apoyî, pê sewdaya azadîye, pê cigêrayîşê raştîye nê koyan de yê.

Serrêka bi destê partîya şerê taybetî AKPyî tay keyeyê gerîlayan ameyî xapînayenê û kayanê MÎTî rê bîyî alet. Ê keyeyê ke verê banê HPDyî de ronişenê ganî bizanê ke xayînîye tim do sey lekeyê sîyayî bimano. Ganî keyeyê gerîlayan sereberz wayîrê dewaya domananê xo bivejîyê.

Embazê ma Şerzan û Mervan ê  ke rêça heqîqetî de payextê Kurdîstanî Amedî ra verê xo da koyanê azadan semedê azadîya şar û welatî xo heta hela peyêne têkoşîn kerd. Hemrayê ma Şerzan û Mervan bombardumanê dewleta tirke ke he roje koyanê Kurdîstanî de yeno kerdene şehîd bîyî.

Ma veng danê keyeyanê wird hemrayanê xo ke wa nê heqîqetî bivînê, raştîya dişmenî nas bikerê û wayîrê têkoşînê qehremankî yê domananê xo bivejîyê. Ma sey hemrayanê înan û şarê kurdî do tim wird şehîdanê xo sereberz bîyarê xo vîr. Na çarçewe de ma keyeyanê şehîdan û heme şarê welatperwerî yê Kurdîstanî rê serweşîye wazenê û soz danê ke ma  do waştişê şehîdan bîyarê ca.''