Merkezê Îrtîbatî û Çapemenîye yê HPGyî bi eşkerayîyêke nasnameyê yew şehîdî eşkera kerd.

Eşkerayîye wina ya:

''2019 de hêrişanê artêşa tirke ya îşxalkere yê vera Herêmanê Pawitişî yê Medya de embazê ma Şoreş şehîd bi. Embaz Şoreş şorişgêrîya bêmabêne kerde, kedayêka pîle daye têkoşînê azadîye yê şarê ma û verê şarê ma û şehîdanê çêran de pêro wezîfeyê xo bê kêmasî ardî ca. Embaz Şoreş bi milîtanêko erjaye yê partî û şarê ma. Ey heta şehaetê xo krîterê Paradîgmaya Modernîteya Demokratîke xo rê kerdî esas û pê şehadetê xo zî bi pawitoxo tewr girîng ê na cuye.

Nasnameyê embaz Şoreşî wina yo:

Embaz Şoreş şaristanê qedîmî yê Kurdîstanî Amed de, keyeyê welatperwerî Kavakî de dadîya xo ra bîyo. Embaz Şoreş hema domanîya xo de maruzê tedaya dişmenî mend, vera dişmenî bi hêrsbîyaye û dima ke no hêrsê ci bi rêxistinkerdene 2003 de ey verê xo da koyanê azadan.

Embaz Şoreş tewrbîyayîşî ra wextêkî dima cade adapteyê gerîlatîye bi, xo waranê leşkerî û îdeolojîkan de aver berd. Embaz Şoreşî serranê 2008-2009an de Vakur de çalakîyanê serkewteyan de serkêşîye kerde. Dima embaz Şoreşî 2009 de xebatê metropolan ardî ca û 2009 de Îstanbul de tepişîya. Embaz Şoreş rixmê îşkence û zulmê dewlete zî teslîm nêbi û zîndan de xoverdayîşê xo rê dewam kerd. Embaz Şoreşî o çax Zîndanê Çewlîgî ra fîrar kerd la bi hawayêkê bêtelîhî ancî esîr bi. La dima 2016 de ey û tay embazanê ci Amed de zîndanî ra fîrar kerd û her kes şok kerd. Embaz Şoreşî pê zeka, tewir û çêrîya xo serkêşîya nê fîrarî kerde. Embaz Şoreş reyna agêra koyanê Kurdîstanî. Embaz Şoreş bi tewir, kedkarî û pratîkê xo pêro embazanê xo rê bi mîsal û bi milîtanêko mîsal ê Apogîran.

Embaz Şoreş bi tewirê xo yê bêtawîzî û israrê xo yê azadîye bi milîtano mîsal ê Şorişê Kurdîstanî. O do tim mîyanê têkoşînê embazanê xo de biciwîyo. Ma sere de keyeyê ercîyayeyî yê embaz Şoreşî rê, pêro şarê welatperwerî yê Kurdîstanî rê serweşîye wazenê. Ma do xeyalê ey Rayberîya Azade û Kurdîstanê Azadî qetî do bîyarê ca.''