Merkezê Îrtîbatî û Çapemenîye yê HPGyî derheqê 3 gerîlayanê şehîdan de eşkerayîye daye.

Eşkerayîye wina ya:

''30ê teşrîna verêne ya 2018î de hêrişê hewayî yê artêşa tirke ya îşxalkere de Herêmanê Pawitişî yê Medya de embazê ma Goran, Erdal û Hogir şehîd bîyî. Nasnameyê embazanê ma yê şehîdan wina yê:

Nameyê Qodî: Hogir Welat Name û Peyname: Berşan Esmer Cayê Bîyayîşî: Colemêrg Maye-Pî: Asiye-Serdar Tarîx û Cayê Şehadetî: 30ê Teşrîna Verêne ya 2018î / Herêmê Pawitişî yê Medya

Nameyê Qodî: Goran Azad Name û Peyname: Mahmût Yildirim Cayê Bîyayîşî: Şirnex Maye-Pî: Fatma-Cangir Tarîx û Cayê Şehadetî: 30ê Teşrîna Verêne ya 2018î / Herêmê Pawitişî yê Medya

Nameyê Qodî: Erdal Şahîn Name û Peyname: Celal Mahmûd Şahîn Cayê Bîyayîşî: Kobanê Maye-Pî: Zehra-Mahmûd Tarîx û Cayê Şehadetî: 30ê Teşrîna Verêne ya 2018î / Herêmê Pawitişî yê Medya

Keyeyê embaz Goranî serranê 90an de zulmê dewlete ra koçê cayanê bînan ê Kurdîstanî kerd. Embaz Goran bi mesuldarîyêka pîlêre tewrê gerîlayan bi. Embaz Goran vera tecrîdkerdişê Rayberê ma hêrsbîyaye bi û pê nê hêrsî xîret kerd. Embaz Goranî Zagros, Heftanîn û Botan de karê serkewteyî kerd û bi fermandarêko serkêş. Embaz Goranî heta şehadetê xo kesayetê xo ra tawîz nêda û mi mîsalêkê milîtanîya Apogîrîye.

Embazê ma Erdal Kobanê de dadîya xo ra bi û Şorişê Rojawanî ra dima verê xo da koyanê Kurdîstanî. Embaz Erdal pê perwerîya gerîlatîye bi milîtanêko rayber û kesayetê xo de vurnayîşê pîlî kerdî. Embaz Erdal bi perwerîyêka pîle girêdayîyê prosesê şorişî bi. Seba ke vayê nê şorişî bireso şaranê Rojhelatê Mîyanênî embaz Erdalî bi coş û kelecanêkê pîlî têkoşîn kerd û heta şehadetê ey no coş û kelecan dewam kerd.

Embaz Hogir Colemêrg de dadîya xo ra bîyo û serra 2015î de vera planê tasfîyeya têgêrayîşê azadîye tewrê gerîlayan bi. Embazê ma Hogirî wextêkê kilmî de cuya gerîlatîye musa, perwerdeyê xo yo îdeolojîk û leşkerî aver berd. Ey xo rê kerd krîter ke goreyê armancanê xo biciwîyo. Embazê ma Hogirî tecrube, hîşmendî, duristîya xo û milîtanîya Apoyî kerdî yew û bi milîtanêko mîsal ê PKKyî.

Sere de keyeyanê ercîyayeyan ê embazanê ma rê, ma pêro şarê welatperwerî yê Kurdîstanî rê srweşîye wazenê. Ma soz danê ke ma do têkoşînê xo de wayîrê vîrameyîşê embazanê xo yê çêran vejîyê.