Merkezê Îrtîbatî û Çapemenîye yê HPGyî nasnameyê gerîlaya ke 2016 de şehîde bîye eşkera kerd.

Eşkerayîya HPGyî wina ya:

''Embaza ma Axîne Feraşîn 24ê teşrîna peyêne ya 2016î de hêrişê hewayî yê vera Herêmanê Pawitişî yê Medya de şehîd bîye.

Nasnameyê embazama ma ya ke şehîde bîye wîna yo:

Nameyê Qodî: Axîne Feraşîn Name û Peyname: Gulîzare Gur Cayê Bîyayîşî: Wan Maye - Pî: Nezahate-Saît Tarîx û Cayê Şehadetî: 24ê Teşrîna Peyêna 2016î / Herême Pawitişî yê Medya

Embaza ma Axîne Wan de dadîya xo ra bîye û hema domanîya xo de têgêrayîşê azadîye şinasna. Embaze Axîne pê perwerîya şehîdan û aşqê gerîla û koyanê Kurdîstanî tewra partîye bîye.

Embaze Axîne cade pê kelecanê gerîlatîye musaye koyan û koyan reyde bîye yew. A pê enerjî, hîs û embazîya xo bîye çimeyê moralî û aye pê hêzê xo moral da embazanê xo. Embaze Axîna ke pê fedakarî kedkarî û zerrînizmîya xo şinasîyayêne xo da perwerdeyê îdeolojîkî. Aye pê îdeolojîya Apogîrîye kerd ke biba milîtanêka serkewte ya YJA-Starî. Heta şehadetê xo aye kesayetê xo yê Apogîrî ra tawîzêk nêda. Tewir, kesayet û tewrbîyayîşê embaza Axîne do ma rê bibê rayber, seba caardişê armanc û xeyalanê ma hêz bidê ma. Ciwan û cinîyê Kurdîstanî do verarê embaze Axînî ra zîl bidê.

Nê esasî ser o ma sere de keyeyê ercîyayeyî yê embaze Axîne rê pêro şarê welatperwerî yê Kurdîstanî rê serweşîye wazenê. Ma soz danê ke ma do qesasê embaze Axîne bigêrê û têkoşîn pîl bikerê.''