Merkezê Îrtîbatî û Çapemenîye yê HPGyî pare kerd ke Rukîye Çekîç (Gulane Gabar) serra 2017î de hêrişêkê hewayî de şehîd bîya.

Nameyê Qodî: Gulane Gabar Name û Peyname: Rukiye Çekîç Cayê Bîyayîşî: Colemêrg Maye-Pî: Sultane-Kuvat Tarîx û Cayê Şehadetî: 26ê Kanûna 2017î/Herêmê Pawitişî yê Medya

Eşkerayîya HPGyî wina ya:

Embaza ma Gulane qezaya Geverî ya Colemêrgî de dadîya xo ra bîya û vera zulm, teda û kerdişanê dewleta tirke ya qirkere tewra gerîlayan bîye. Embaza ma Gulana ke domana koyanê Zagrosî bîye, rixmê zor û zehmetîyan zî lezî ra cuya gerîlayan bîye. Embaze Gulane sey cinîyêka kurde ya azade tim xîret kerd ke xo pê felsefeya Apoyî newe ra biaferna, xeta cinîyan ê azadan de xo xorinêr bikera û biba cinîyêka raybere.

Embaze Gulane pê nê eşq û kelecanî Garî ra heta Zapî, Erziromî ra heta Cilo û Avaşînî xeylêk wezîfeyê girîngî girewtî xo milî. Embaze Gulane bi nê hawayî pêro mesuldarîyê xo ardî ca, bîue milîtanêka Rayber Apoyî û fermandarêka YJA-Starî. A tim armancê xo de serkewt û zelal bîye û bi ruhê fedayî şîye serê dişmenî. Embaze Gulane pê zerrînizmî, fedakarî û samîmîyetê xo, bi zerrîya xo ya cinîye zerrîya embazanê xo de cayêk girewt.

Kulturê têkoşîn o qedîm ê cinîyan ê kurdan tradîsyonê xoverdayîşî yo esîl û ruho azad do nêrê teslîmgirewtene. Zagrosan ra heta dew, şaristan û qezayanê Kurdîstanî her ca de rayberîya PKK û PAJKî de têkoşînê ma do qetî ser bikewo.

Nê esasî ser o ma sere de keyeyê ercîyayeyî yê embaze Gulane rê pêro keyeyanê şehîdan, şarê Geverî û pêrp şarê welatperwerî yê Kurdîstanî rê serweşîye wazenê. Ma embaze Gulane rê sozê xo dibare kenê ke do têkoşîn pîl bikerê.''