Merkezê Îrtîbatî û Çapemenîye yê HPGyî derheqê şehîdanê Cîloyî de eşkerayîyêke daye.

Eşkerayîyêke wina ya:

''Ma eşkerayîya xo ya 13ê êlule de dabi eşnawitene ke 9ê êlule de saete 12:30 de artêşa tirke ya îşxalkere dima ke bi teyarayanê şerî û helîkopteran hêrişê warê Îsmaîl Agayî yê herêma Koyê Sumbulî yê Colemêrgî kerd. Nê hêrişî de embazê ma Çekdar, Dilovan û Ronahî vera artêşa tirke ya îşxalkere bi çêrî şer kerd û şehîd bîyî.

Zanayîşê derheqê nasnameyanê embazanê ma de wina yê:

Nameyê Qodî: Çekdar Amed Name û Peyname. Azad Şik Cayê Bîyayîşî: Amed Maye-Pî: Hanime-Hasan Tarîx û Cayê Şehadetî: 9ê Êlula 2020î / Colemêrg

Nameyê Qodî: Ronahî Rûken Name û Peyname: Şehrîban Hêja Ûzûn Cayê Bîyayîşî: Erzîrom Maye-Pî: Necla-Şakir Tarîx û Cayê Şehadetî: 9ê Êlula 2020î / Colemêrg

Nameyê Qodî: Dilovan Kobanî Name û Peyname: Omer Oso Maye-Pî: Makbûle-Alî Tarîx û Cayê Şehadetî: 9ê Êlula 2020î / Colemêrg

Embazê ma Çekdar Amed de dadîya xo ra bîyo û serra 2013î de tewrê gerîlayan bi. Embaz Çekdar wextêkê kilmî de bi gerîlayê azadîye yê Kurdîstanî. Embaz Çekdarî Zagrosan de gerîlatî kerde û bi kedkarî û zerrînizmîya xo zanîyayêne. Embazê ma hema ciwanîya xo de bi fermandar. Bi kesayetê xo yê têkoşerî her tim tewirêko milîtanî yê Apoyî mojna.

Embazê ma Ronahî Erzirom de dadîya xo ra bîya û vera polîtîkaya înkar û asîmîlasyonî tewra gerîlayan bîye. Embaza mi bi hêrsê xo yê pîlî yê vera kolonyalîstan bîye çimeyê têkoşînî. Embaze Ronahî xeta Têkoşînê Azadîye yê Cinîyan xorîn kerde û hema ciwanîya xo de bîye fermandar û milîtanêka raybere.

Embazê ma Dilovan Kobanê de dadîya xo ra bîyo. Embaz Çekdar tewrê şorişê Rojawanî zî bibî û dî ke çar oarçeyê Kurdîstanî binê îşxalî de yê. Embaz Çekdar bi nê hawayî tewrê gerîlayan bi. Embaz Dilovan bi kesayetê xo yê milîtanî her tim vernîya embazanê xo de şi.

Sere de keyeyanê şehîdan ê ercîyayeyan rê ma pêro şarê Kurdîstanî rê serweşîye wazenê. Ma soz danê ke do alaya azadîye ya şehîdanê xo yê çêran ser bivisnê.''