Merkezê Îrtîbatî û Çapemenîye yê HPGyî pê eşkerayîyêke şehîdê Zapî yad kerdî. Eşkerayîye wina ya:

''Temmuza 2017î de artêşa tirke ya îşxalkere herêma Zapî dabî bombayan ver. Nê bombardumanan de embazê ma Sîpan, Savûşka û Munzur ê ke pê ruhê fedayî yê Xoverdayîşê Zîndanan ê 14ê Temmuze têkoşîn kerdêne şehîd bîyî. Ma embazanê xo yê fedayîyan serrgêra şehadetanê înan de bi rêzdarî û minetî yad kenê.

Nasnameyê embazanê ma wina yê:

Nameyê Qodî: Sîpan Muş Name û Peyname: Selahattin Efe Cayê Bîyayîşî: Muş / Kop Maye-Pî: Vesîle – Nizamettin Tarîx û Cayê Şehadetî: Temmuza 2017î / Zap

Nameyê Qodî: Savûşka Devrim Name û Peyname: Yasemîne Yanar Cayê Bîyayîşî: Amed Maye-Pî: Cevahîre – Şukru Tarîx û Cayê Şehadetî: Temmuza 2017î / Zap

Nameyê Qodî: Munzur Çîyager Name û Peyname: Abdurrahman Balicak Cayê Bîyayîşî: Şirnex Maye-Pî: Kesere – Omer Tarîx û Cayê Şehadetî: Temmuza 2017î / Zap

Embazê ma Sîpan Mûşî de dadîya xo ra bîyo. Dima keyeyê embaz Sîpanî koçê metropolan kerd la embaz Sîpanî kokê xo war nêverdî û tewrê gerîlayan bi. Embaz Sîpanî wextêkê kilmî de xo aver berd û sey fermandarêkê marîfetinî xeylêk waranê Vakurê Kurdîstanî de wezîfe kerd. Embaz Sîpanî rayberîya xeylêk çalakîyanê serkewteyan kerde û tim cuya komunele û krîterê partîya ma pawitî. Embaz Sîpanî xeylêk embazê xo zî perwerde kerdî û bi mazharê heskerdişê pêro embazanê xo. Embaz Sîpanî mîyanê Hêzanê Taybetan de sey fermandarêkê taybetî zî cayê xo girewt.

Embaze Savûşka Amed de dadîya xo ra bîya. Embaze Savûşka ciwanîya xo de tewra xebatanê ciwanan bîye û dima seba têkoşînê bitesîrî tewra gerîlayan bîye. Embaze Savûşka zaf giranîye daye perwerdeyê leşkerî û îdeolojîkî û tim xo aver berd. Aye nê esasî ser o pêro çareserkerdişê Rayberîye wendî û xo zêdêr şinasna. Embaze Savûşka pê fedayîtîya xo tewra Hêzanê Taybetan bîye. A pê tewirê xo embazanê xo rê bîye mîsalêke.

Embaz Munzur Şirnex de dadîya xo ra bîyo û wextê hêrişanê vera Kobanê û Şingalî de vengdayîşê Rayberîye ser o tewrê gerîlayan bi. Embaz Munzurî tim xîret kerd ke pratîkê xo aver bero û waşt ke hêrişê dewleta tirke bêcewab nêmanê. Embaz Munzurî pê kesayetê xo yê zerrînizmî û milîtanîya xo tim bi mîsalê embazanê xo. O pê nê kesayetê xo yê bêtawîzî û zerrînizmî mîyanê Hêzanê Taybetan de bi temsîlkarê ruhê fedayî.

Sere de keyeyê ercîyayeyan ê embazanê ma rê ma pêro şarê welatperwerî yê Kurdîstanî rê serweşîye wazenê. Ma reyna soz danê ke armancanê înan Rayberîya Azade reyde Kurdîstanê Azadî bîyarê ca.''