Merkezê Îrtîbatî û Çapemenîye yê HPGyî bi eşkerayîyêke şehîdê Heftanînî yad kerdî.

Eşkerayîye wina ya:

''14ê hezîrana 2020î de warê Bektorya yê Heftanînî de embaza ma Delîla bombardumanê dewleta tirke ya îşxalkere de şehîd bîye. Nasnameyê embaza ma ya şehîde wina yo:

Embaza ma Delîla keyeyêkê welatperwerî de dadîya xo ra bîya û dima ke felsefe û îdeolojîya Rayber Apoyî nas kerde tewra gerîlayan bîye. Embaze Delîla bi zerrînizmî, miral û motîvasyonê xo şinasîyayêne. Bi heman coşî embaze Delîla Cengê Heftanînî de şer kerd û bi sayê îradeyê cinîya azade û fedayîtîya Rayber Apoyî vera îşxalkeran tewirêko pîl mojna.

25ê êlula 2020î de warê Şehîd Kendalî yê Heftanînî de embazê ma Baz û Denîz netîceyê şer û bombardumanî de tewrê kerwanê şehîdan bîyî. Nasnameyê derheqê embazanê ma yê şehîdan de wina yê:

Embazê ma Baz Amed de dadîya xo ra bîyo û dima ke têgêrayîşê azadîye şinasna tewrê gerîlayan bi. Embaz Baz pê exlaq û kulturê PKKyî xo resna û bi fermandarêko rayber ê Cengê Heftanînî. Embazê Bazî sey gerîlayêkê xurtî Cengê Heftanînî de hunerê xo mojna, bi pakîya xo rolê serkêşîye ard ca û derbê giranî dayî artêşa tirke ya îşxalkere ro.

Embaza ma Denîze Şirnex de dadîya xo ra bîye û serewedaritişê xoîdarekerdişî yê Şirnexî ra dima tewra gerîlayan bîye. Embaze Denîze bi taybetî hetê leşkerî û îdeolojî ra xo perwerde kerd û bîye gerîlayêka profesyonele. Embaza ma bi fedakarî û moralê xo seba cinîyan ê kurdan  bîye mîsalê milîtanîya Apoyî.

Sere de keyeyanê ercîyayeyanê şehîdanê xo rê ma şarê Mûş, Amed û Şirnexî rê û şarê welatperwerî yê pêro Kurdîstanî rê serweşîye wazenê. Ma soz danê ke ma do têkoşînê şehîdan ê çêran o ke bi milîtanîya fedayîye ame afernayene pê serfîrazî tacîdar bikerê.