HPG: Ma şehîdanê xo bi mînet û rêzdarî yad kenê

HPG’yî derheqê şehadetê Çetîn Sîverek û Agît Serhat de eşkerayîye daye û va, “Ma şehîdanê xo bi mînet û rêzdarî yad kenê. Seba vîrardişê şehîdanê xo ma do dewaya azadîya Kurdistanî bi serkewtişî tacîdar bikerê.”

Merkezê Çapemenî û Îrtîbatî yê HPG’yî derheqê Fermandarê Herêma Dêrsimî Çetîn Sîvereko ke endamê Konseya Eskerî ya HPG’yî bi eşkerayîyêk daye.

Eşkerayîye de ame vatene, “Dezgehanê çapemenîye de ame weşanayene ke cenazeya endamê Komîteya Merkezê partîya ma PKK’yî û Konseya Eskerî ya HPG’yî Fermandarê Herêma Dêrsimî hemrayê ma Çetîn Sîverekî ameya wedardayene û serdanê serweşîye yenê kerdene. Ma keyeyê hevalê xo Çetînî, merdimanê ci û şarê Sêweregi rê serweşîye wazenê. Heval Çetîno ke mîyanê keyeyêkê welatperwerî ra tewrê refê Têkoşînê Azadîye ya Kurdistanî bi, nê rayraşîyayîşê pîrozî de sey xeylî hewrayanê xo, merdimê xo û tewr peynî de serra 2017 de lajê xo Şahan Ronîyo ke gerîlayêkê azadîya Kurdistanî bi şehîd da. Fermandarê ma yo qehreman hemra Çetîn mîyanê 25 serranê têkoşînê xo yê koyanê Kurdistanî de vera heme zor û zehmetan pawa vinet û xeylî herêman de sewîyeya rayberîye de ca girewt. Hemra Çetîn hevalêkê ma yo ke cuya xo ya şorişgerîye de destanê qehremanîye afernayê. Ma hemra Çetîno ke qehremanêkê têkoşînê ma yo bi bi rêzdarî yad kenê û keyeye ci rê û şarê şarê Sêweregi rê serweşîye wazenê.

Ma keyeyê Karabakanî rê serweşîye wazenê

Wextê serdanê serweşîya hevalê ma Agît Serhato ke ma verê çend rojan şehadetê ci da zanayene, apê hemra Agîtî sîyasetmedar û kedkarêkê demokratîk ê Kurdistanî û welatperwero hêca M. Saît Karabakan rîyê nêweşîye ra cuya xo kerda vîndî. Ma serweşîye keyeyê Karabakan û şarê Qereyaziyî rê wazenê ke hem tazîyaya hemrayê ma Agît Serhatî hem zî ya M. Saît Karabakanî pêşwazî kenê.

Ma şehîdanê xo bi rêzdarî û mînetdarî yad kenê û ma reyna soz danê ke ma do dewaya azadîya Kurdistanî bi serkewtişî tacîdar bikerê.”