Merkezê Îrtîbatî û Çapemenîye yê HPGyî derheqê operasyon û hêrişanê artêşa tirke de eşkerayîyêke daye û nê pare kerdî:

''15ê êlule hêzê ma wareyê Ava Berxa yê qezaya Xîzanî ya Bedlîsî de raştê damê dişmenî ameyî. Mabênê hêzanê ma û îşxalkeran de pêkewtişî qewimîyayî. Hêzê ma dame dişmenî ra weş û war vejîyayî la hûmara merde û birîdarnê ê dişmenî safî nêbîye. Roja bîne herême de leşkerî ameyî warardene û operasyon dîya destpêkerdene. Operasyono ke heta 21ê êlule dewam kerd, destveng peyser ame antene.

21ê êlule de warê Navsera Cûdîyî yê herêma Cûdîyî bi helîkopteran ame bombardûmankerdene, dima ra herême de leşkerî ameyî cakerdene û operasyon dîya destpêkerdene. Operasyon 22ê êlule de destveng peyser ame antene.

Teyrayanê artêşa tirk a îşxalkere bi obus û havanan hêrişê  herêma Heftanînî yê Herêmanê Pawitişî yê Medya kerd. 14ê êlule de erazîya  mabênê dewanê Rusê, Şudinê û  Sulavê ameye bombardumankerdene. Netîceya herişê de keye, bexçe û hêgayanê dewijan zirar dî. 22ê êlule de warê Xanturê verî bi obusan dima ra zî bi helîkopteran ameyî bombardumankerdene. Şewato ke badê hêrişî vejîya hema dewam keno.''