Merkezê Îrtîbatî û Çapemenîye yê HGPyî da zanayene ke rixmê heme îmkanenê teknîkî yê dewleta tirke û şuxulnayîşê çekanê kîmyewîyan Gerîlayê Azadîye yê Kurdîstanî derbanê pîlîdan danê piro û detayê çalakîyan pare kerdî:

Zap

11ê gulane de dewleta tirke ya îşxalkere bado ke mewzîyê Warê Xoverdayîşî yê Girê Şehîd Şahînî dayî bombayan ver waşt tîya pê skorskyan leşkeranê xo ca bikero. Hêzanê ma da piro skorskyêkî derba girane girewte û gama ke warî ra vejîyayêne warê Kûnişka de gina war. Cayê warginayîşê helîkopterî de teqayîşo gird qewimîya. Skorsky ame îmhakerdene û leşkerê ke tede bîyî ameyî cezakerdene. Artêşa tirke dima ra war da bombayan ver. Eynî roje helîkopterê ke waştêne mewzîyanê şerî yê Girê Rûbarî bido bombayan ver hetê hêzanê ma ra ame pirodayene. Netîceya pirodayîşanê bitesîran de helîkopter ame derbkerdene.  Reyna helîkopteranê  hêrişê ke waşt mewzîyanê şerî yê  Girê Cehenemî yê Warê Xoverdayîşî yê Çîyarêşî, warê Çemço û Warê Xoverdayîşî yê Şkikefta Birîndara û Karkerî bidê bombayan ver, hetê hêzanê ma ra ameyî pirodayene û mecbûr mendê ke peyser agêrê.

Xakurkê

Ma eşkerayîya xo ya 9ê gulane de vatbi ke 6ê gulane de hêzanê ma yê YJA Starî de Girê Şehîd Derwêşî yê herêma Xakurkê de dayo îşxalkeran ro. Ame tesbîtkerdene ke na çalakîye de 6 îşxalkerî ameyî cezakerdene û 3 îşxalkerî birîndar bîyî.

 Bombarduman

10ê gulane ra heta 11ê gulane Warê Xoverdayîşî yê Werxelê yê Avaşînî û  Girê Şehîd Berxwedanî yê Warê Xoverdayîşî yê Girê Şehîd Şahînî  de mewzîyê şerî 27 rey bi çekanê kîmyewîyan dîyayî bombayan ver. 11û 12ê gulane de warê Sîda û Çemçoyî yê Zapî pê helîkopteranê hêrişî û eynî wextî de Warê Xoverdayîşî yê Karker, Şikefta Birîndara, Girê Cûdî û Girê Amedîye  pê obusan  û teyarayanê şerî bi desan rey ameyî bombardumankerdene. 10 û 11 ê gulane de Girê Hakarî û Girê Ortê yê herêma Metîna pê teyarayanê şerî û obusan dîyayî bombayan ver. 11ê gulane de Warê Xoverdayîşî yê Werxelê û Kurojahro, Şehîd Şemdîn, Şehîd Harûn, Çiyareş, Girê Şehîd Cûdî û Girê Ortê pê helîkopteranê hêrişî û obusanê ke qereqolanê sînorî ra ameyî eştene, dîyayî bombayan ver.''