HPG’yî 3 gerîlayê ke Garzan de şehîd bîyî bi vîr ardî
HPG’yî nasnameyê 3 gerîlayanê ke 1’ê Gulane de herêma Qelanîsî ya qezaya Baykanî ya Sêrtî de netîceya hêrişê hewayîyî de şehîd bîyî eşkera kerdî.
Merkezê Çapemenî û Îrtîbatî yê HPG’yî bi eşkerayîyêk da zaneyene ke 3 gerîlayî 1’ê Gulane de herêma Qelanîsî ya qezaya Baykanî ya Sêrtî de netîceya hêrişê hewayîyî de şehîd bîyî û nasnameyê înan eşkera kerdî
Eşkerayîye de nê ameyî vatene: ‘’Ma eşkerayîya xo ya 12’ê Gulane de pêhesnabi ke artêşa Tirkî ya îxalkare 30’ê Nîsane de herêma Qelanîsî ya qezaya Baykanî ya Sêrtî de operasyon dayo destpêkerdene û hêrişê hewayîyî yê 1’ê Gulane de 3 embazê ma şehîd bîyî. Nê hêrişî de pîya bi embaza ma Helîn Jîyana ke Fermandarîya Eyaletî ya Garzanî de ca gêna hemrayê ma Argeş Malazgîrt û Harûn Sîmko şehîd bîyî.
Sere de keyeyê ercayeyî yê embazanê ma Helîne, Argeş û Harûn ê ke wayîrê emegê girdî yê ma pêroyê şarê xo yê welatperwerî rê serweşîye wazenê û soz danê ke ma do mucadeleyê xo yê azadîya Kurdan biresnê serfirazîye.”
Nasnameyê gerîlayanê ke şehdî bîyî wina yê:
|
|
Nameyê Qodî: Hêlîn Jîyane Name Peyname: Akîde Oztekîne Cayê Bîyayîşî: Êlih Maye-Pî: Nizbete – Abdulhadî Tarîx û Cayê Şehadetî: 1’ê Gulane 2019 / Sêrt |
|
|
Nameyê Qodî: Argeş Malazgirt Name Peyname: Serdar Demir Cayê Bîyayîşî: Mûş Maye-Pî: Perîhane – Seyfettîn Tarîx û Cayê Şehadetî: 1’ê Gulane 2019 / Sêrt |
|
|
Nameyê Qodî: Harûn Simko Name Peyname: Lokman Nakdî Cayê Bîyayîşî: Dîvandere Maye-Pî: Mehzere – Sidik Tarîx û Cayê Şehadetî: 1’ê Gulane 2019 / Sêrt |
