HPG’yî gerîlayê ke Amed de şehîd bîyî yad kerdî

ANF
BEHDÎNAN
17/03/2019, 16:19

Merkezê Çapemenî û Îrtîbatî yê HPG'yî da zanayene, 16’ê Teşrîna Peyêne ya 2017'î de qezaya Pasûrî ya Amedî de operasyonêkê artêşa Tirkî de endamê Konseya Fermandarîye ya HPG'yî Dogan Zinarî zî tede 12 gerîlayî şehîd kewtî.

Eşkerayîya Merkezê Çapemenî û Îrtîbatî yê HPG'yî wina ya:

“16’ê Teşrîna Peyêne ya 2017'î de artêşa Tirkî ya îşxalkare, wareyê qezaya Pasûrî ya Amed de, herêma Guherme de dest bi operasyonêko hîra kerd. Opersayon o ke bi teknîko averşîyaye û bi hezar eskeran ameyo destpêkerdene de mabênê artêşa Tirkî ya îşxalkare û hemrayanê ma de, di nuqtayanê cîyayan de şerêko giran qewimîya. Şer o ke bi saetan dewam kerdo de artêşa Tirkî ya îşxalkare zaf merdî û birîndarî dayî. Nêtîceyê nê şerê giranî de, endamê Konseya Eskerî ya HPG'yî hemrayê ma Dogan Zinar zî tede 12 hemrayê ma şehîd bîyî. Nê şerê giranî de nasnameyê hemrayanê ma yê ke şehîd kewtê nêameyî zelalkerdene. Nasnameyê embazê ma Cesûrî hema nêameyo zelalkerdene. Hetê bînî ra, hemrayê ma Mawa (Erhan Ertugrul) esîr kewt destê hêzanê dişmenî.”

HPG'yî derheqê nasname û xoverdayîşê fermandar Dogan û 11 şerwananê azadîye de wina vat, “Xoverdayîşê hemrayê ma Doganî û 11hemrayanê bînan ê ke binê fermandarîya ey de bî rixmê heme hêrişanê dişmenê îşxalkerî alaya xoverdayîşî berz kerda û rayîr nêdayo dişmenî, vera ferzkerdişê îxanetî û teslîmbîyayîşî, heta fîşeka xo ya peyêne bi îradeyêko gird şer kenê û nimûneyêkê destanî ramojnenê. Kelaya xoverdayîşî Amed de, xoverdayîşê domananê Kurdistanî bîyo sembolêkê vinatişî û fedayî yê Apoyijan.

Herinda vera dişmenanê faşîstan de çok şikitene û sere ronayene de, înan sey qehraman, sereberz xo ver ro da û têkoşîn kerd xo ver û tewrê karwanê nêmerdîyan bîyî. Ma nê qeremananê girdan bi rêzdarî û minet yad kenê. Sere de keyeyê şehîdan rê, heme şarê welatperwerî yê Amedî û Kurdistanî rê serweşîye wazenê. Ma soz danê ke alaya xoverdayîşî ya ke nê hemrayanê ma ya qehremana a pey de verdaya heta serkewtişî ma do berz bikerê. No wezefeyê heme gerîlayanê HPG’yî yo. Wa her kes baş bizano ke her gerîlayê HPG’yî do bibo Doganêk û derbanê giranan bido dişmenê îşxalkarî ro û heyf û qesasê şehîdan bigêro. Nê esasî ser o, fermandar Dogan û 11 hemrayê bîn ê ke binê fermandarîya ey de tewrê karwanê nêmerdîyan bîyî, reya bîne yad kenê. Ma soz danê ke gonîya hemreyanê ma do erd dê nêmano û ma qesasê şehîdan xo yê nêmerdîyan bigêrê.”

Goreyê eşkerayîye nasnameyê şehîdan wina yê:

Nameyê Qodî: Dogan Zinar

Name Peyname: Abdulselam Arslan

Cayê Biyayîşî: Şirnex

Maye-Pî: Leyla - Abdulcelil