HPG’yî nasnameyê 3 gerîlayanê ke Makû de şehîd bîyê eşkera kerdî

Merkezê Çapemenî û Îrtîbatî yê HPG’yî nasnameyê 3 gerîlayanê ke 2’yê Temmuze de herêma Çaldêranî ya Makû ya Rojakewtena Kurdistanî de şerê hemverê pasdaranê Îranî de şehîd bîbî eşkera kerdî.

Merkezê Çapemenî û Îrtîbatî yê HPG’yî eşkerayîya nûştekîye daye û vat 2’yê Temmuze herêma Çaldêranî ya Rojakewtena Kurdistanî de mabênê hêzanê HPG’yî û pasdaranê Îranî de şer vejîyayo û nê şerî de gerîlayê bi nameyê Ahmet Yadser (Ceng Elemholî), Mehdîn Tekel (Rojdî Amed) û Firat Akmaz (Welat Zîlan) şehîd bîyê.

HPG’yî eşkerayîya xo de na hayîdarîye daye: “23’ê Hezîrane pasdaranê Îranî wareyê Dambatî yê herêma Serhedî ser o operasyonêk viraştibi. Artêşa Îranî wareyê Kevirê Sipî dabi verê obus û topanê hewanî û mabênê hêzanê ma û artêşa Îranî de şer dest pêkerd. Nê şerî de embazêk ma şehîd bi û embazêk ma zî bi birîndarî esîr kewt. Têgêrayîşê hêzanê artêşa Îranî yê nê demanê peyênan ê serê hêzanê ma, bi yewîyanê xo yê nimiteyan ronayîşê daman, pîya bi balkêşîya xo, dimayê hêrişê serê Şehîdan, ma nê têgêrayîşanê artêşa Îranî şopnenê.

Hayîdarîyê nasnameyê embazanê ma yê ke nê operasyonî de şehîd bîyê û esîr kewtê, dimayo ke hetê ma ra ameyî zelalkerdene, do rayapêroyîye dir bêrê parekerdene.

2’yê Temmuze de Şer Virazîya

2’yê Temmuz a 2019’î de herêma Çaldêranî ya Makû ya Rojakewtena Kurdistanî de mabênê hêzanê ma û pasdaranê Îranî de şer vejîyayo. Nê şerî de embazê ma Ceng, Rojdî û Welat şehîd bîyê.

Hayîdarîyê nasnameyanê embazanê ma yê şehîdan wina yê;

Nameyê Qodî: Ceng Elemholî

Name Peyname: Ahmet Yadser

Cayê Bîyayîşî: Makû

Maye - Pî: Surme – Osman

Tarîx û Cayê Şehadetî: 2’yê Temmuze 2019 / Makû

Nameyê Qodî: Rojdî Amed

Name Peyname: Mehdîn Tekel

Cayê Bîyayîşî: Amed

Maye - Pî: Ayşe – Tarik

Tarîx û Cayê Şehadetî: 2’yê Temmuze 2019 / Makû

Nameyê Qodî: Welat Zîlan

Name Peyname: Firat Akmaz

Cayê Bîyayîşî: Wan

Maye - Pî: Zeytîn – Orhan

Tarîx û Cayê Şehadetî: 2’yê Temmuze 2019 / Makû

Embazê ma Ceng, Rojdî û Welat ke hewna ciwanîya xo de nizd ra bîyê şahidê polîtîkayanê asîmîlasyonî yê serê şarê Kurdî, seba azadîya şarê Kurdî demanê cîyayan de bajaranê cîyayan ê Kurdistanî ra tewrê Têgêrayîşê Azadîye bîyê.

Hemrayê ma ke roja ewilêne yê tewrbîyayîşê mîyanê refanê gerîlayan ra nata xo dayo serê rayîrê azadîya şarê Kurdî, wareyê ke tede bîyî ûca bîyê wayîrê tewirêkê fedakarî. Embazê ma Ceng, Rojdî û Welato ke gureyê xo yê demî bi hawayêkê tewr rindî bica ardî, bi kede, fedakarî û durustîya ke cuya mucadeleyî de ramota, her wext rayraşîyayîşê serê xeta Rayberîye dayo verê xo. Tewirê înan ê mîyanê cuye û mucadeleyî seba ma hemrayanê înan ê ke înan ra dima mendê do bibo nimûne.

Şexsê keyeyanê nê şehîdanê ma yê ercayeyan de ma heme şarê Kurdistanî yê welatperwerî rê serweşîye wazenê, ma sond wanenê ke ma do beyraqa xoverdayîşî ya ke şehîdanê ma ma rê verdaya bi azadîye tacîdar bikerê.”