Merkezê Çapemenî û Îrtîbatî yê HPG’yî bi eşkerayîya nûştekîye da  zanayene ke hêrişê 29’ê Temmuze de  mintiqaya Çelê Sorî ya herêma Besta ya Şirnexî de  Alî Poyraz (Piling  Dijwar) û Yûsûf Koç ( Zîndan Canfeda) şehîd bîyî û nasnameyê înan eşkera kerdî.

Eşkerayîya HPG’yî wina ya: ‘’ Ma eşkerayîya xo ya 31’ê Temmuze de vatbi ke  artêşa Tirkî ya îşxalkare 28'ê Temmuze de mintiqaya Çelê Sorî ya herêma Sehrîbane ya pabesteya Bestaya Şirnexî de dest bi operasyon kerd. Heman roje mabênê hêzanê ma û îşxalkaran de pêkewtiş vejîya. Pêkewtişo ke xeylî eskerî merdî û birîndar bîyî de 2 embazê ma yê ke bi qehremankî şer kerdêne şehîd bîyî. Sere de keyeyê ercayeyî yê hemrayanê ma Piling û Zindan, sereyê hemeyê şarê Kurdê welatperwerî weş bo, ma soz danê mîrasê mucadeleyo ke şehîdanê ma ma rê verdayo biresnê serfirazîye.”

Gerîlayê ke şehîd bîyî nasnameyê înan wina yê:

Name Peyname: Piling Dijwar Nameyê Qodî: Alî Poyraz Cayê Bîyayîşî: Mêrdîn Maye-Pî: Harîye – Mehmet Selîm Tarîx û Cayê Şehadetî: 28’ê Temmuze 2019 / Besta

Name Peyname: Zindan Canfeda Nameyê Qodî: Yûsûf Koç Cayê Bîyayîşî: Sêrt Maye-Pî: Ayhane - Abdurezzak Tarîx û Cayê Şehadetî: 28’ê Temmuze 2019 / Besta