HPG’yî şehîdê Tendurekî bi vîr ardî
HPG’yî 5 gerîlayê ke 13’ê Temmuze û 27’ê Temmuze de herêma Tendurekî ya qezaya Gîyadînî ya Agirî de netîceyê hêrişê hewayîyî yê artêşa Tirkî ya îşxalkare de şehîd bîbî, bi vîr ardî.
HPG’yî 5 gerîlayê ke 13’ê Temmuze û 27’ê Temmuze de herêma Tendurekî ya qezaya Gîyadînî ya Agirî de netîceyê hêrişê hewayîyî yê artêşa Tirkî ya îşxalkare de şehîd bîbî, bi vîr ardî.
Merkezê Çapemenî û Îrtîbatî yê HPG’yî bi eşkerayîyêka nuştekîye nasnameyê gerîlayanê Tendurekî yê ke netîceyê hêrişanê hewayîyan ê artêşa Tirkî ya îşxalkare de şehîd bîyî eşkera kerdî.
Eşkerayîya HPG’yî wina ya:
“Eşkerayîya xo ya tarîxê 17’ê Temmuze de ma vatibi hêrişê hewayî yê 13’ê Temmuze yê artêşa TC’yî ya îşxalkare yê serê wareyê Şehîd Tûfanî yê herêma Tendurekî, hemrayê ma Amargî, Ronahî û Simko şehîd bîyê.
Eşkerayîya xo ya 2’yê Tebaxe de zî ma pêhesnabi ke 27’ê Temmuze, wareyê Dîyadînî yê herêma Tendurekî de mabênê hêzanê ma û îşxalkaran de şer vejîyayo û netîceyê şerî de embazê ma Agir û Gulane bi qehremanî şer kerdo û şehîd bîyê. Hayîdarîyê derheqê nasnameyanê embazanê ma yê ke 13 û 27’ê na menge de şehîd bîyê wina yê:
Nameyê Qodî: Amargî Arî Name Peyname: Gulşen Dogrû Cayê Bîyayîşî: Mûş Maye - Pî: Hakîme – Suleyman Tarîx û Cayê Şehadetî: 13’ê Temmuz a 2019’î / Tendurek |
Nameyê Qodî: Ronahî Eylem Name Peyname: Hasret Nayîre Cayê Bîyayîşî: Wan Maye - Pî: Sûrete – Yasîn Tarîx û Cayê Şehadetî: 13’ê Temmuz a 2019’î / Tendurek |
Nameyê Qodî: Simko Delîl Name Peyname: Mûammer Yildirim Cayê Bîyayîşî: Wan Maye - Pî: Mûhtebere – Mûhlîs Tarîx û Cayê Şehadetî: 13’ê Temmuz a 2019’î / Tendurek |
Nameyê Qodî: Agir Destan Name Peyname: Ûgûr Aslan Cayê Bîyayîşî: Agirî Maye - Pî: Zennûre – Felemez Tarîx û Cayê Şehadetî: 13’ê Temmuz a 2019’î / Tendurek
|
Nameyê Qodî: Gulan Heştanîne Name Peyname: Gamî Zeybek Cayê Bîyayîşî: Şirnex Maye - Pî: Asîye – Abdulkerîm Tarîx û Cayê Şehadetî: 13’ê Temmuz a 2019’î / Tendurek
|
Hemverê şerê qirkerdişî yê dewleta TC’yî ya îşxalkare ke şarê Kurdî ser o dayo destpêkerdene de, hemrayanê ma Amargî, Ronahî, Simko, Agir û Gulane ke demanê cîyayan de tewrê Mucadeleyê Azadîye bîyê, seva ke têgêrayîşo îşxalkar o ke Kurdistan de yeno bicaardene pûç vejîyo bi qehremanî û cesûrkî şer kerdo û bîyê wayîrê kedêka pîle. Hemrayê ma yê coxrafyaya Serhedî ya asê de serê rayîrê gerîlatîya profesyonele de rayra şîyêne, şer û çalakîyanê hemverê dişmenî de derbeyê giranî dayê dişmenî ro. Hemrayê ma Amargî, Ronahî, Simko, Agir û Gulane, ke her yewê înan abîdeyêka xoverdayîşî ya, bi hawayêkê aktîfî tewrê Hemleya Serfirazî ya Şorişgêre ya wareyî bîyê û serkewtişan de bîyê wayîrê kedêka pîle. Dewrêkê winayênî de, ke faşîzm asta tewr berze de yo, her gama ke hemrayanê ma seba azadîya şarê Kurdî Kurdistan de eşta û her dilopa araqê înan seba ma sembolê fedakarî û cesaretî yo.
Ma hemrayanê xo Amargî, Ronahî, Simko, Agir û Gulan a ke Tendurek de şehîd bîyê bi hurmet bi vîr anê. Sere de keyeyanê embazanê ma yê ercayeyan rê, ma heme şarê welatperwerî yê Kurdistanî rê serweşîye wazenê. Ma sond wanenê ke keda ke şehîdanê ma seba azadîya Kurdistanî daya bi ser bifînê.”