Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkrayîyêke daye. Eşkerayîye wina ya:

''Gerîlayê azadîye yê Kurdîstanî rixmê têgêrayîşê îşxalî yê dewleta tirke ya kolonyalîste bi xoverdayîşêkê tarîxîyî derbanê giranan danê îşxalkeran ro. Rixmo ke artêşa îşxalkere muracatê metodanê gemarinan kena pê xoverdayîşê hêzanê ma nêeşkena. Hêzê ma çalakîyan û xoverdayîşê xo rê dewam kenê. Netîceya çalakîyanê hêzanê ma de tewr tay 3 îşxalkerî ameyî cezakerdene.

Çarçewa Hemleya Şorişgêre ya Bazanê Zagrosî de herêma Zapî de;

17ê çeleyî de herêma Çemçoyî ya bajarekê Şêladizê ya Amedîyê de îşxalkerî di reyî ameyî pirodayene û tewr tay 2 îşxalkerî ameyî cezakerdene.

17ê çeleyî de nêzdîyê dewa Sîda ya Şêladizê de 1 îşxalker ame cezakerdene.

Hêrişê kîmyewî yê artêşa îşxalkere;

17ê çeleyî de mewzîyê xoverdayîşî yê Çemçoyî 11 reyî pê çekanê kîmyewîyan û mewzîyê Sîda zî 2 reyî pê çekanê kîmyewîyan û 1 reye pê bombaya qedexekerde dîyayî bombayan ver. Hetê bînî ra Sîda de verê mewzîyan de îşxalkeran malzemeyê plastîkî û lastîkî vêşnayî û dûyê înan verda zereyê mewzîyan.

Hêrişê bînî yê artêşa îşxalkere;

17ê çeleyî de dormeyê dewa Bilind Bazê û dewa Çemrobotkî yê Garê, warê Golka û Girê Ortê yê Metîna û mewzîyê Sîda û Çemçoyî dîyayî bombayan ver.''

https://anfkirmancki.com/kurdistan/Isxalkeran-reyna-pe-kimyewiyan-heris-kerd-31893