Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

" Herêma Zapî;

21ê temmuze de Warê Xoverdayîşî yê Girê Cûdîyî de îşalkerî hetê hêzanê ma yê YJA Starî ra  ameyî pirodayene. Na çalakîye de di îşxalkerî ameyî cezakerdene. Eynî roje, eynî warî de îşxalkerî reyna ameyî pirodayene. Na çalakîye de zî hîrê îşxalkerî ameyî cezakerdene. Dima ra îşxalkeranê ke waşt xo nê warî de mewzîyanê xo virazî reyna mesafeyo nizdî ra ameyî pirodayene. Di mewzîyî bi temamî ameyî îmhakerdene û 6 îşxalkerî ameyî cezakerdene. Eynî wextî de sîstemêkê kameraya mobesse, çekêkê bombaeştişî û xeylêk malzeme ameyî îmhakerdene û helîkopterêk ame derbkerdene. Saetanê nêmroje de îşxalkeranê ke waşt xo Warê Xoverdayîşî yê Girê Cûdîyî de ca bikerê bi taktîkê suîkastî ameyî pirodayene. Na çalakîye de hîrê îşxalkerî ameyî cezakerdene. Saetanê verêşanî de îşxalkeranê ke waşt herême de daran bibirnê hetê hêzanê ma yê YJA Starî ra ameyî pirodayene. Na çalkîye de îşxalkerêk birîndar bi.

Herêma Metîna;

19ê temmuze de baregehê artêşa tirke yê Kanîmasî hetê hezanê ma ra ame pirodayene. Mewzîyo ke mesafeyo nizdî ra ame pirodayene, bi temamî ame îmhakerdene û di îşxlakerê ke tede bî ameyî cezakerdene.

Bombarduman

21 û 22ê temmuze de Warê Xoverdayîşî yê Kurojahro, Girê Cûdî û Şehîd Delîlî yê Zapî bi desan rey pê teyarayanê şerî, helîkopteranê hêrişî, obus, tanq û çekanê giranan dîyayî bombayan ver.''