HPGyî 3 gerîlayê şehîdî yad kerdî
HPGyî nasnameyê 3 şehîdan eşkera kerdî û vat: ''Ma nê embazanê ke rayraşîyayîşê şorişî de bîyî fermandar, bi rêzdarî yad kenê û soz danê ke ma do xeyalanê înan bîyarê ca.''
Merkezê Îrtîbatî û Çapemenîye yê HPGyî nasnameyê 3 gerîlayanê ke şehîd bîyî, eşkera kerdî.
Eşkerayîye wina ya:
''Artêşa tirke ya îşxalkere serra 2020î de Vakurî ra heta Başûrî cografyaya Kurdîstanî vurnaye warê şerî û armanc kerd ke gerîlayanê azadîye tasfîye bikera. La artêşa îşxalkere raştê îradeyê gerîlayan ameye. Xêrê xoverdayîşê gerîlayan ra dişmeno kolonyalîst û qirkere nêeşka bireso armancanê xo. Şehîdanê ma yê çêran bi fedakarîye nê netîceyî vetî meydan. Embazanê ma Delîla, Mawa û Cesur 2020 de şerê vera artêşa faşîste de serkêşîye kerde û şehîd bîyî. Înan bi bawerîye rayraşîyayîşê şorişî ard ca û bîyî fermandar. Ma nê embazanê xo yê çêran yad kenê û soz danê ke do xeyalanê înan bîyarê ca.
Nasnameyê embazanê ma yê şehîdan wina yê:
|
|
Nameyê Qodî: Delîla Argeş Name û Peyname: Pelda Încî Cayê Bîyayîşî: Amed Maye-Pî: Nilufere – Sedat Tarîx û Cayê Şehadetî: 15ê Hezîrana 2020î / Gabar |
|
|
Nameyê Qodî: Mawa Tolhildan Name û Peyname: Hamza Yildirim Cayê Bîyayîşî: Êlih Maye-Pî: Mahfize – Mehmet Tarîx û Cayê Şehadetî: 28ê Hezîrana 2020î / Kato Jîrka |
|
|
Nameyê Qodî: Cesur Rojhilat Name û Peyname: Ferşît Îsazade Cayê Bîyayîşî: Urmîye Maye-Pî: Medîne – Xorşit Tarîx û Cayê Şehadetî: 20ê Gulana 2020î / Xakûrkê |
Embaze Delîla Amed de dadîya xo ra bîya. Embaze Delîla vera tedayanê dewlete 2009 de tewra gerîlayan bîye. Aye 2014 de Şingal de vera DAÎŞî şer kerd û 2017 de agêraye Vakurê Kurdîstanî. Embaze Delîla 3 serran Gabar de gerîlatîye kerde û serkêşîya têkoşînî arde ca. Aye waşt ke biba cewabê pratîkanê gerîlatîya dewrê neweyî. Şehadetê embaze Delîla do ma rê tim bibo sebebê têkoşînî.
Embaz Mawa Êlih de dadîya xo ra bîyo. Ey wexto ke karanê ciwanan de ca girewtêne xeylêk reyî ame destbendkerdene. Embaz Mawayî tedayanê dişmenî ra dima verê xo da koyanê azadan. Ey xoverdayîşê xoîdarekerdişî de rolêko aktîf ard ca û bi esîrê dişmenî. Dima ke zîndanî ra vejîya reyna verê xo da koyan. Ey tim xîret kerd ke xo aver bero û tecrubeyanê xo, embazanê xo reyde pare bikero. O ma rê sembolê xoverdayîş û îradeyî yo.
Embaz Cesur şaristanê Urmîye yê Rojhelatê Kurdîstanî de dadîya xo ra bîyo. Embaz Cesur cigêrayîşan ra pey verê xo da koyanê azadan û bi gerîla. Ey sere de Zap û Xakûrkê de xeylêk waranê Herêmanê Pawitişî yê Medya de şer kerd û bi fermandarêko serkêş. Ey kerd ke bi hawayêkê tewr tesîrînî tewrê prosesê şorişî bibo coka tim xo aver berd. Embaz Cesur bi enerjîya ciwanîye qetî nêvindert û embazanê xo rê bi mîsalêko hol û çimeyê moralî.
Ma embazanê xo reyna bi rêzdarî yad kenê. Ma sere de keyeyanê ercîyayeyan ê embazanê xo rê pêro şarê Kurdîstanî rê serweşîye wazenê. ''
