HPGyî Çiyazan Gever yad kerd

HPGyî pare kerd ke gerîlayê înan Çiyazan Gever 16ê temmuza 2020î de Xakûrkê de hêrişêkê hewayî de şehîd bîyo û vat: ''Ma do mîyanê têkoşînê xo de armancanê şehîdanê xo bîyarê ca.''

Merkezê Îrtîbatî û Çapemenîye yê HPGyî pê eşkerayîyêke nasnameyê şehîd Çiyazan Gever pare kerd.

Eşkerayîye wina ya:

''16ê temmuza 2020î de artêşa tirke ya îşxalkere hewayî ra hêrişê waranê Goşîne û Rostê yê Xakûrkê kerd. Netîceya nê hêrişê hewayî de embazê ma Çiyazan Gever şehîd bi.

Nasnameyê embazê ma yê şehîdî wina yo:

Nameyê Qodî: Çiyazan Gever

Name û Peyname: Omur Îsa Canan

Cayê Bîyayîşî: Colemêrg

Maye-Pî: Meryeme-Orhan

Tarîx û Cayê Şehadetî: 16ê Temmuza 2020î / Xakûrkê

Embazê ma Çiyazan Gever de dadîya xo ra bîyo û pê hêrsê vera dişmenî tewrê gerîlayan bi. Embaz Çiyazanî îdeolojîya Rayber Apoyî fam kerde, krîterê PKKyî ardî ca û xîret kerd ke bibo gerîlayêko profesyonel. Pê mesuldarîya milîtanîya Apogerîye emnba Çiyazanî destanêk nuşt. Embaz Çiyazanî şehîdan ra mîras girewt û bi serkewtişî mîrasê têkoşînî ard ca. Tewrê milîtanîya Apogîrîye û xoverdayîşê embazê ma Çiyazanî sere de ciwananê Geverî pêro ciwananê Kurdîstanî rê rayîr mojneno û bawerî û waştişê serkewtişî roşnî keno.

Sere de keyeyê ercîyayeyî yê embaz Çiyazanî rê ma pêro şarê Geverî û şarê welatperwerî yê Kurdîstanî rê serweşîye wazenê. Ma soz danê ke ma do armancanê embazanê xo yê şehîdan mîyanê têkoşînê xo de bîyarê ca.''