Merkezê Îrtîbatî û Çapemenîye yê HPGyî bi eşkerayîyêke Endamê Fermandarîya Botanî Şervan Êrkendîyo ke şehîd bîyo bi rêzdarî yad kerd.

Eşkerayîye wina ya:

''26ê êlula 2021î de warê Çeqçeqoyî yê herêma Besta yê Şirnexî de pêkewtişê vera artêşa tirke ya îşxalkere de embazê ma Endamê Fermandarîya Botanî Şervan Êrkendî (Cebraîl Gultekîn) şehîd bi. Sere de keyeyê embazê ma yê ercîyayeyî rê, ma pêro şarê Kurdîstanî yê welatperwerî rê serweşîye wazenê. Ma reyna şexsê embaz Şervanî de sozê xo yê seba şehîdan dibare kenê.

Nasnameyê embazê ma yê şehîdî wina yo:

Nameyê Qodî: Şervan Êrkendî Name û Peyname: Cebraîl Gultekîn Cayê Bîyayîşî: Adana Maye-Pî: Xezal – Mehmet Şîrîn Tarîx û Cayê Şehadetî: 26ê Êlula 2021î / Botan

Hemrayê maŞervan Adana de mîyanê keyeyêkê botanijî de dadîya xo ra beno û  hema ke ciwan bi têkoşînê azadîye şinasneno. Hemrayê ma Şervano ke wendekarêko serkewte bi, xo warê muzîkî de aver beno, sey baterîstî xeylêk konseran de ca gêno. Hemrayê ma Şervan dima 2012 de wazeno bi çeka xo deyîra azadîye vajî û verê xo dano koyan.

Hemrayê ma Şervan Garê, Xakûrkê û Zap de gerîlatîye keno û pê marîfetê xo vejîyeno vernî. Hemrayê ma Şervan wextê hêrişanê DAÎŞî de derbazê Rojawanî beno û xeylêk cayanê Rojawanî de sey fermandarêkî vera DAÎŞî serkêşîya çalakîyan keno. Hemrayê ma Şervan hîrê reyî birîndar beno la her reye agêreno serê wezîfeyê xo. Hemrayê ma  Şervan têkoşînê Rojawanî ra dima Akademîya Mahsum Korkmazî de perwerde gêno û bale xo dano gerîlatîya Vakurê Kurdîstanî. Hemrayê ma Şervan dima sey endamê Fermandarîye derbazê Botanî beno û tîya de pê tewir û fedayîtîya xo beno mîsal. 

Sere de keyeyê ey o ercîyayeyî , pêro şarê Kurdîstanî, şarê Êrkendî û Botanî ganî pê embaz Şervanî sereberz bibê. Ma soz danê ke bibê gerîlayê serkewtişî yê Apogîrî û na xeta çêrîye bi serkewtişî tacîdar bikerê.''