Gerîlayan Avaşîn û Xakurke de da îşxalkeran ro
HPGyî pare kerd ke Xakurke û Avaşînî de çalakîyanê gerîlayan de tewr tay 3 leşkerê Artêşa Tirkan ameyî kiştene. Şirnex, Agirî, Hatay û Avaşînî de zî heşt gerîlayî şehîd bîyî.
HPGyî pare kerd ke Xakurke û Avaşînî de çalakîyanê gerîlayan de tewr tay 3 leşkerê Artêşa Tirkan ameyî kiştene. Şirnex, Agirî, Hatay û Avaşînî de zî heşt gerîlayî şehîd bîyî.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalkeran de bayanatêk weşana.
Beyanatê HPGyî wina yo:
"Hêzanê ma çarçewa Hemleya Şorişgêre ya Şehîd Bagerî û Şehîde Ronya de vera artêşa TCyî ya îşxalkere çalakîyî kerdî. Na çarçewe de:
Hêzanê ma yê YJA-Starî 12ê teşrîna peyêne de saete 09:40î de qezaya Şemzînanî ya Colemêrgî de vera wesayîtêkê Artêşa Tirkan a îşxalkere çalakîyêka sabotajî kerde. Na çalakîye de wesayît bi temamî ame îmhakerdene û qasê ke ame tesbîtkerdene 2 leşkerî ameyî kiştene û leşkerêk zî birîndar bi. Hêzanê ma 13ê teşrîna peyêne de Girê Şehîde Sarya yê herêma Xakurke ya Herêmanê Pawitişî yê Medya de vera leşkeran çalakîyêka sûîkastî kerde. Çalakîye de leşkerêkê dişmenî ame kiştene.
9ê teşrîna peyêne de teyarayanê şerî yê TCyî warê Hesena yê herêma Koyê Cûdî yê Şirnexî ser o bombayî varnayî. Xeberan de ame îdîakerdene ke nê operasyonî de 6 embazê ma şehîd bîyê la aslê xo de 2 embazê ma şehîd bîyî. Zanayîşê derheqê emnazanê ma de dima do bêrê parekerdene.
Artêşa TCyî ya îşxalkere 7ê teşrîna peyêne de warê Kirê Hallacî yê qezaya Bazîdî yê Agirî de dest pê operasyonêkî kerd. Nê operasyonî de dişmenî 7 û 9ê teşrîna peyêne de bi teyarayanê şerî waran ser o bombayî varnayî. Bi xeberanê zûran ame îdîakerdene ke nê operasyonî de 15 şehîdê ma estê. Operasyonî de 3 embazê ma şehîd bîyî. Zanayîşê derheqê emnazanê ma de dima do bêrê parekerdene.
Qezaya Îskenderunî ya Hatayî de 26ê teşrîna verêne de mabênê hêzanê ma û artêşa TCyî de şer qewimîya. Şerî de zaf leşkerê dişmenî ameyî kiştene û birîndar bîyî. Embazêkê ma zî bi hawayêkê çerî şer kerd û şehîd bi. Zanayîşê derheqê emnazê ma de dima do bêrê parekerdene.
Artêşa TCyî ya îşxalkere 13ê teşrîna peyêne de bi teyarayanê şerî waranê Cehennem Tepesî û Kuçuk Cîloyî yê hêramanê Pawitişî yê Medya ser o bombayî varnayî. Na bambardûmane de zerarêk nêresa embazanê ma.
Beyanatê xo yê 12ê teşrîna peyêne de ma dabi eşnawitene ke hêrişê hewayî yê artêşa TCyî ya îşxalkere yê 10ê teşrîna peyêne de herêma Avaşînî ya Herêmanê Pawitişî yê Medya de 2 embazê ma şehîd bîyî. Nasnemeyê embazanê ma ameyî zelalkerdene. Nasnameyê embazanê ma wina yê:
Nameyê Qodî: Şahîn Kobanê
Name û Peyname : Dijwar Mûhammed
Cayê Bîyayîşî: Kobanê
Maye-Pî: Medîne-Xalit
Tarîx û Cayê Şehadetî: 10ê Teşrîna Peyêna 2019î / Avaşîn
Nameyê Qodî: Artêş Çiyager Kobanê
Name û Peyname: Hemed Îsmaîl
Cayê Bîyayîşî: Kobanê
Maye-Pî: Meryeme-Nedîm
Tarîx û Cayê Şehadetî: 10ê Teşrîna Peyêna 2019î / Avaşîn
Sere de keyeyanê ercayeyan ê embazanê ma yê şehîdan rê ma pêroyê şarê Kurdîstanî yê welatperwerî rê serweşîye wazenê. Ma soz danê ke ma do têkoşînê înan dewam bikê û ser bikewê.