Merkezê Îrtîbatî û Çapemenîye yê HPGyî derheqê têgêrayîşê hêzanê PDKyî yê warê gerîlayan de eşkerayîya nuştekîye daye.

HPGyî vat: ''Hêzê PDKyî 5ê hezîrane de herêma mabênê Girê Çarçel û Girê Hakkarî yê herêma Metîna de semedê hêrişî ameyî cakerdene. Hêzanê PDKyî rixmê heme hîşyarkerdişan û vengdayîşan viraştişê mewzîyanê xo rê dewam kerd rayîrê neweyî viraştî û sewqîyatê hêz û wesayîtanê zirxinan kerd. Bi hewayêkê manîdarî 24ê temmuze de saetanê serê sibayî de warê Girê Çarçelî de reyna ver bi nuqtayanê gerîlayan kewtî rayîr.

 Ma verê zî rayapêrîye rê dabi eşnawitene ke cayo ke qala ci yena kerdene bi serrano gerîlayî tede yê, herêma bingeyî yê mewzîyanê gerîlayan o.  Hêza PDKyî ke newe ameyî tîya mabênê înan û gerîlayan de mesafeyo kilm esto.

Bado ke hêzê PDKyî ver bi nuqtayanê gerîlayan avêr şîyî pêkewtişêko kilm qewimîya.  Hêzanê PDKyî pê çekanê giranan guleyî herême de guleyî varnayî. Netîcaya nayî de arazî de şewat vejîya.  Eynî wextî de têgêrayîê teyarayanê şerî û keşîfî yê dewleta tirke serê herême de dewam keno.''