Merkezê Îrtîbatî û Çapemenîye yê HPGyî serrgêra ci ya 21ine de Fermandar Erdal (Engin Sincer) bi hurmetî yad kerd û nê vatî:

''Hemra Erdal ewledo qehreman ê şarê ma yê Mereşî bi ke Ewropa ra verê xo da Kurdîstanî û perwerdeyê xo yo verên Rayber Apoyî ra girewt. Koyanê Botanî de rêçê Fermandar Egîdî de têkoşîn kerd. Sere de Gabar xeylêk waran de şervanîye ra heta fermandarîya eyaletî xeylêk kademeyan de wezîfe girewt xo ser. Hemra Erdalî sey fermandarê serkewteyî yê ARGKyî her hetî ra berpirsîyarîyê ardî ca. Fermandaranê serkêşan ê HPGyî ra yew bi ke ma rê mîrasê têkoşînî verda. Ma serrgêra şehadetê ci de hemra Erdalî bi hurmetî yad kenê û soz danê ke ma do waştişê ci yê gerîlatîya profesyonele ke taktîk de bîya zengîn û hunerê şerî de bîya pîspor bîyarê ca.''

HPGyî derheqê çalakîyanê gerîlayan û hêrişê artêşa tirke de nê pare kerdî:

"Herêma Metîna;

14ê tebaxe de Warê Xoverdayîşî yê Serê Metîna de îşxalkerî bi çekanê giranan ameyî pirodayene, kepçeyêk ame derbkerdene. 15ê tebaxe de Warê Xoverdayîşî yê Golka de îşxalkerî bi çekanê giranan ameyî pirodayene.

Herêma Xakurkê;

14ê tebaxe de warê Girê Koordîne de îşxalkerî bi çekanê giranan ameyî pirodayene. Na çalakîye hetê hêzanê ma yê YJA Starî ra ameye kerdene.

Hermşa Şehîd Delîlî yê Rojawanê Zapî;

14ê tebaxe de Warê Xoverdayîşî yê Girê Amedîyê de îşxalkerî bi çekanê giranan ameyî pirodayene. 15ê tebaxe de  Warê Xoverdayîşî yê Girê Amedîyê û Sergelê de îşxalkerî bi hewayêkê hemwextî bi çekanê giranan û taktîkê suîkastî ameyî pirodayene. Çalakîye de sîstemêkê kameraya mobesse ame îmhakerdene. 17ê tebaxe de Warê Xoverdayîşî yê Girê FMyî de îşxalkerî bi taktîkê suîkastî ameyî pirodayene. Na çalakîye de sîstemêke kameraya mobesse û projektorêk ameyî îmhakerdene.

 Hêrişê bi çekanê qedexeyan,

14ê 15 û 16ê tebaxe de Warê Xoverdayîşî yê Girê FMyî û 6ê tebaxe de Warê Xoverdayîşî yê Girê Amedîyê de tunelê ma bi çekanê qedexeyan dîyayî bombayan ver.

Bombarduman;

14ê 15 û 16ê tebaxe de warê Sinînê, Şehîd Şerîf, Berbizina, Kendekola yê herêma Xakurkê, warê  Sêdarê, Çemrobotkî, Xêrê, Dêreşê, Heftebax, Dêrîk, Deşta Kafya yê herêma  Garê, Warê Xoverdayîşî yê Serê Metîna, Dergelê yê herêma Metîna, Warê Xoverdayîşî yê Girê Baharî yê herêma Zapî 28 reyî bi teyarayanê şerî dîyayî bombayn ver.

14ê 15 û 16ê tebaxe de Girê Şekîf ve Şehîd Şerîfî yê herêma Xakurkê, Warê Xoverdayîşî yê Serê Metîna, Dergelê yê herêma Metîna bi helîkopteranê hêrişî dîyayî bombayan ver.''